Хотын дарга өчигдөр /2025.08.14/ Сэлбэ дэд төв байгуулах төслийн үйл явцыг мэдээллээ.
Тэрбээр "Сэлбэ хотын орон сууцжуулах төслийн 3, 4 дүгээр багц тендерийг задалж, 5 хуваан зарласан бөгөөд дотоодын 17, гадаадын 17 аж ахуйн нэгж давхардсан тоогоор 60 санал ирүүлжээ. Үнэлгээний хороо 15 хоногт багтаан шийдвэрээ гаргах учиртай.



Бид 158 га талбайд 2200 гаруй нэгж талбарыг чөлөөлж, хотын хойд талын утааны голомтоос багадаа 4000 орчим янданг буулгаж, шинж суурьшлын бүсийн бүтээн байгуулалтыг эхлүүлсэн.
Анхны жишиг “20 минутын хот” болох Сэлбэ хотын эхний бүтээн байгуулалт “Зургаан буудал”-ын “Оргил” худалдааны төв орчимд хэдийн эхлээд газар шорооны ажлаа үргэлжлүүлж байна.
Түүнээс гадна дээрх хорооллуудын цэвэр усны шугамыг анх удаа зэс хоолойгоор угсарч, дээвэр дээр нь нарны эрчим хүчний хавтан байрлуулахаар төлөвлөсөн. Уг хуримтлуулсан эрчим хүчээр орцны гэрэл, цахилгаан шат, гарааш зэрэг нийтийн эзэмшлийн талбайн цахилгааны хэрэглээг шийдэх юм" гэв.