Үйл явдал1 мин унших
Эрхээ хамгаалан дуу хоолойгоо нэгтгэж буй ахмадуудтай

Жил бүрийн 10-р сарын 1-нд ахмадууд баяраа тэмдэглэдэг уламжлалтай. Харин энэ жил баярлаж хөөрхөөсөө илүүтэй эрхээ хамгаалан дуу хоолойгоо нэгтгэж буй ахмадуудтай УИХ-ын гишүүн Д.Энхтуяа уулзлаа.
Ахмадууд:
- Тэтгэврийн доод хэмжээг 1.5 сая төгрөг болгох,
- Тэтгэврийн нэмэгдлийг инфляц, амьжиргааны өртөгтэй уялдуулах,
- Тэтгэврийн зээлийн хүүг 12 хувь болгох, хугацааг 36 сар болгон сунгах,
- Зээлийн батлан даалтын шалгуурыг зөөлрүүлэх,
гэсэн шаардлага тавьж байна.
Өнөөдөр жагсаж буй ахмадуудын олонх нь ердөө 596–700 мянган төгрөгийн тэтгэвэр авч байна. Энэ нөхцөлд амьдралын өртөгт хүрэх боломжгүй байгааг бид харж ойлгох ёстой.

УИХ-ын гишүүн Д.Энхтуяа ахмадуудтай уулзлаа /2025.09.23/
2026 оны төсөвт тэтгэврийн нэмэгдлийг 6 хувь гэж тусгасан ч, ГБХНХЯ 10 хувь нэмэх саналыг оруулжээ. Гэвч ахмадуудын хүсэлт ганцхан зүйлд төвлөрч байна: тэтгэврийн доод хэмжээг 1.5 сая төгрөг болгох. Цаашдын төсвийн хэлэлцүүлгийн үеэр энэ асуудлыг задлан ярьж, ахмадуудын дуу хоолойг хүргэж ажиллана.
