Байр суурь2 мин унших
Ж.Батжаргал: Үндэсний аюулгүй байдлаа хангах үүднээс Газрын тос боловсруулах үйлдвэрээ хамтын хүчээр босгохыг зорьцгооё!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн

Хэлэлцэж буй асуудалтай холбогдуулан гишүүд үг хэлэв.
УИХ-ын гишүүн Ж.Батжаргал:
Улс орны эдийн засаг, нийгмийн хөгжлийг хангах бодлого үйл ажиллагааныхаа үр дүнгээр эдийн засгийн үндсэн үзүүлэлтүүдээ зохистой уялдуулснаар нэг түвшинд очино гэсэн төсөөлөл юм л даа. ЗГ тодорхой зорилт тавиад, эдийн засгийн үндсэн үзүүлэлтүүдийг ийм түвшинд байлгахад өнөөдрийн түвшнээс бидний зориод байгаа ийм дэвшлүүд гарна гэж оруулж иржээ. Үүнийг бид гэрийн даалгавар болгоод батлаад өгчих ёстой гэж ойлгож байгаа. Харин үүнийгээ хангах тал дээр онцгой анхаарал хандуулж ажиллах ёстой шүү. Гэхдээ төсвийн хүрээний мэдэгдэл дотор анхаармаар зүйл байна.
Өчигдөр Төсвийн байнгын хороо, Гадаад бодлого аюулгүй байдлын байнгын хороон дээр АХБ-ны зээлийн санхүүжилтийн ерөнхий хэлэлцээрийг ярих явцад гадаадын зээлийн ашиглалт 2026 онд бидний хүссэн хэмжээнд тавигдаж чадаагүй гэдэг зүйл яригдсан. Төсвийн алдагдлын 1 их наяд 380 тэрбум бол үндсэндээ гадаадын зээлийн ашиглалт. Үүгээр дамжиж бидний яриад байгаа том бүтээн байгуулалтын ажил урагшлилна гэж тооцсон чинь Газрын тос боловсруулах үйлдвэр 2027 оны эхний хагаст ашиглалтад орно гэсэн төлөвлөгөөтэй явж байгаа. Гэтэл 1 их наяд 380 тэрбум дотор авагдсан зээл ашиглалт нь хангаж чадахааргүй байгаа гэдгийг Сангийн яам өчигдөр ярина лээ. Тийм учраас энэ эдийн засгийн үзүүлэлтүүдийг хооронд нь уялдуулж, хүрээ хязгаарыг нь баталж байгаа уг баримт бичиг дотроо бодитой ашиглах ёстой, цаана нь хийгдэх ёстой бодит бүтээн байгуулалтуудаа дэмжихээр зохицуулалтаа хийх бололцоо бий юу?
Өчигдөр Сангийн яамны Хөрөнгө оруулалтын газраас ярьсан зүйл дээр гарцаагүй тийм зүйл ярьсан шүү дээ. Бараг 2028 оноос нааш энэ үйлдвэр ашиглалтад орохгүй юм байна гэж ярьсан. Тэгэхээр бид ийм байдлаар асуудалд хандамгүй байна аа.
Түүний асуултад Эдийн засаг, хөгжлийн сайд Н.Учрал хариуллаа.
