Байр суурь2 мин унших
Д.Бум-Очир: Хэрэв хулгайч байгаа бол өмөөрөхгүй, шалгуулах нь зөв гэсэн талд л гарсан
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын гишүүн Д.Бум-Очир:
ХЗДХ-ийн сайдаар томилох асуудлыг хэлэлцэж байгаад баяртай байна. Тэгээд ямар процесс дээр алдаа гарсныг ҮХЦ шаардлагатай бол дахиад шалгана биз. Өмнө нь яг ийм асуудал гарахад 30 хэдэн гишүүн ирцдээ орохгүй байсаар байтал хүч түрч ирцэд оруулаад асуудал хэлэлцсэн шүү дээ. Эцсийн бүлэгт ҮХЦ дээр очиж энэ асуудал шийдэгддэг юм байна лээ.
Тэгэхээр бид энэ танхимд тухайн асуудлыг яриад үр дүнд хүрнэ гэж бодохгүй байна. Б.Энхбаяр гишүүнийг Хууль зүйн сайд болох гэж байгааг дэмжиж байгаагаа илэрхийлмээр байна. Энд хүрсний эхлэл цэг нь бараг энэ болов уу. Б.Энхбаяр сайд Их хурлын даргыг нүүрсний асуудалд хэрэгт холбогдсон юм байна аа гэдгийг мэдэгдсэн.
Дараа нь үргэлжлүүлээд Ерөнхий сайд мөн ийм зүйл ярьсан. Энэ нөхдүүд маань хүн гүтгэсэн гэдэг ийм өнгө аястай явсан. За нөгөө хүн маань гүтгүүлсэн гэдэг хэрэгт орсон. Тэгэхээр бид нэг талдаа хүн гүтгэсэн нөгөө талдаа гүтгүүлсэн гэдэг байр сууринд оччихсон байж байна. Эндээс л нөгөө талцал, хуваагдал хэлцэл, хэрүүл маргаан одоо болтол үргэлжилж байгаа. Үүнийг нэг талд нь гаргах хэрэгтэй.
Их хурлын гишүүд ч тэр энгийн иргэд ч тэр үнэхээр хүн гүтгэчихсэн юм уу үгүй юм уу, тэр хүн нүүрсний хэрэгт холбогдсон нотлох баримт нь байгаа юм уу үгүй юм уу гэдгийг мэдэхийг одоо болтол хүлээж байна.

Хэсэг нөхдүүд 37 наймуулаа засгийг хамгаалаад засгийн талд гарчихсан харагдаж байгаа. Угтаа Засгийг хамгаалах тухай асуудал биш л дээ. Зарчмын хувьд хэрвээ нөгөө талд нь хулгайч байгаа бол хулгайчийг өмөөрөхгүй гэдэг талд гарсан хэрэг шүү дээ. Мэдээж хулгай хийсэн эсэхийг нь мэргэжлийн байгууллагууд нь эцэслэн тогтоох ёстой. Тэгэхээр үүнийг нэг талд гаргахгүй бол хэрүүл маргаан эцэслэгдэхгүй байна шүү гэдгийг хэлмээр байна.
Үнэхээр тэр нотлох баримт нь байгаа эсэхийг мэргэжлийн байгууллагууд нь ямар нэгэн байдлаар дуугарч, нөхцөл байдлаа хэлмээр байна. Тодорхой хэмжээний мэдээлэл хиймээр байна.
Хоёрдугаарт, ажлаа жаахан хурдлуулмаар байна аа. Өнөөдрийн улс төрийн, нийгмийн нөхцөл байдал бий болчхоод байна аа гэдгийг онцгойлон анхааруулж хэлмээр байна. Энэ бол зөвхөн засгийг хамгаалаад, нэг талдаа гарчихсан хэрэг биш. Зарчмын хувьд зөв талдаа гарч байгаа гэж л ойлгож байгаа. Би бол тэр талд гарсан гишүүдийнх нь нэг.