Байр суурь2 мин унших
Г.Уянгахишиг: Хуулийн ажлын хэсгийн ахалж буй хүний хувьд ТӨК-удыг хэрхэн задалж, хувьчлах ёстой гэж харж байна!
Сэтгүүлч Ц.Соёлмаа
Одоохон...
Байр суурь2 мин унших
Сэтгүүлч Ц.Соёлмаа
УИХ-ын чуулганы /2025.10.25/-ны өдрийн хуралдаанаар УИХ-ын гишүүн Б.Энхбаярыг ХЗДХ-ийн сайдаар томилох асуудлыг хэлэлцэж байна.
УИХ-ын гишүүн Г.Уянгахишиг:
Өчнөөн олон жил хулгай авлигалтай тэмцье, хулгайчид, авлигачид байна гээд олон хүний нэр дурдагдаж сошиалаар болон мэдээллийн хэрэгслээр мөн улс төрийн тавцанд маш олон жил яригдлаа. Энэ хүмүүсээс хэд нь хариуцлага хүлээж, ял авсан юм бэ? Маш цөөхөн тоо гардаг. Бид энэ өвчлөлийн эх үүсвэртэй тэмцэж эхлэх ёстой юм биш үү. Хууль зүйн сайдаар ажиллавал гэмт хэрэгтэй тэмцэх, манлайлах нь гол чиг үүрэг. Үүнээс гадна хамгийн гол чиг үүрэг бол эрх зүйн шинэтгэлийн бодлогыг хэрэгжүүлэх ийм чиг үүрэг байгаа. Өнөөдөр ЭТТ дээр нүүрсний хулгайн асуудал ерөөсөө ганцхан компанийг л тойрч явж байгаа. ЭТТ компани нүүрсээр хэрхэн офтэйк гэрээнүүд хийгдсэн бэ, тэр нүүрсийг ямар үнээр авсан бэ. Улсын төсөвт төвлөрөх ёстой байсан хөрөнгийг төсвийн гадуур хэрхэн зарцуулсан бэ гэдэг энэ асуудлаас бүх нүүрсний хулгайн асуудал улбаатай. Тэгвэл 15 жилийн өмнө ЭТТ нээлттэй компани болчихсон байсан бол өнөөдөр асуудал арай өөр байх байсан болов уу гэж хувь хүний хувьд боддог.
Ашигт малтмалын тухай хуулийн 5.6-д байдаг стратегийн ач холбогдол бүхий ашигт малтмалын ордын ашиглалтын тусгай зөвшөөрөл эзэмшиж байгаа этгээдийн хувьцааныхаа 10-аас доошгүй хувийг МХБ-ээр арилжина гэсэн энэ зааалт амь оролгүйгээр олон жил буюу хориод жил болж байна. Үүн дээр Хууль зүйн сайдын хүрээнд ямар манлайлал үзүүлж ажиллах вэ? Нөгөө талдаа одоо УИХ дээр байгаа хамгийн том ажлын хэсэг буюу Нийтийн өмчийн тухай хуулийн төсөл болон ТӨК-ийн ил тод байдлын тухай хуулийн төслийн хамтарсан ажлын хэсгийг Б.Энхбаяр гишүүн ахалж байгаа. Энэ ажлын хэсгийн хүрээ ТӨК-удыг хэрхэн задлаж, хувьчлах ёстой юм.