Үйл явдал2 мин унших
Б.Мөнхсоёл: Сэхээтнүүд сошиалд хууртахгүй, ярихаас илүү сайн оролцвол байдал өөрчлөгдөж, цаг хугацаа хожино

Одоохон...
Үйл явдал2 мин унших

Хэлэлцэж буй асуудалтай холбогдуулан гишүүд үг хэлэв.
УИХ-ын гишүүн Б.Мөнхсоёл өөрийн байр сууриа өөрийн цахим хуудаснаа дэлгэрэнгүй тайлбарласныг хүргэж байна.
Эмчийн ашиглалт 24-хөн хувь, авлага 189.9 тэрбум ₮, санд ирсэн нэхэмжлэлийн 35%-д л нарийвчилсан хяналт хийсэн гэх мэт мэдээж бөөн л асуудал байна. Цалингийн өсөлт ид яригдаж байдаг. Шийдэлд нэмэр болох саналаа хуваалцъя.
Хэтийдсэн улс төржилт!
Улс төр нь бодлого ярих аргагүй түрэмгийлсэн тогтолцоо байна буюу байнга улс төрийн оноо, дараа дахин сонгогдох энэ тэрдээ санаа зовоод байдаггүй, попроод байдаггүй УИХ-ын гишүүдэд хүрэх, ойлголцох, гүн нухацтай хандах боломж харьцангуй тааруу.
Хуумгай шийдлүүд!
Аливаа асуудалд өнгөц хандаж буй нь дунд, урт хугацаандаа байнга дахин асуудал дагуулах давтамжтай тойрог үүсгэдэг. Үүнд боловсрол, эрүүл мэндийн салбарын чанар, хүртээмж, цалин, тэтгэвэр гэх мэт бүгд орно.
Бүтээмж сул төр!
Олон жилийн туршид төрийн залгамж чанар болон чадавхи үнэхээр доройтжээ. Цаг зууртаа л аргацааж амьдарч буй мэт. Ийм байдалд хүрэхэд төрийн албан хаагчид гэхээсээ илүү тэдний удирдлагууд, эрх баригч намууд, тэдний үүсгэсэн тогтолцоо сөргөөр нөлөөлсөн. Заримдаа тэдэнд төвлөрч сууж ажил нугалах цаг хугацаа ч хомс мэт, бас мотиваци сул. Бүтэц оновчгүй л дээ.
Сэдэв дагасан амьдрал!
Сэдвээс сэдэвт амьдарсаар, гол зорилго нь улс төрчийн “танигдалт” гэдэг нэг явцгүй, нийтийн төлөө бус амин хувийн төлөөх ПР ч юм шиг…
Ердөө товчхондоо “дээрээ суудлаа олохгүй бол доороо гүйдлээ олохгүй” гэдэг зүйр үг мэт орчлон бол Монгол маань.
Улс төрч хүнд байх ёстой гээд байгаа “мэх заль” (хор, хов…) энэ тэрийг суралцах хүсэлгүй. Зарчмаа л барьчихмаар байна аа, юухэв зүгээр.
Монголоос маань эмчлүүлэхээр, сурахаар, ажиллахаар ХҮН болон МӨНГӨ гадагшилсаар… Гунигтай бөгөөд хайран. Засахад олон жил шаардлагатай болох нь дээ. Сэхээтнүүд сошиалд хууртахгүй, хий ярихаас илүү сайн оролцвол байдал арай өөр болж цаг хугацаа хожих байх.