Монгол Улсын Ерөнхийлөгч У.Хүрэлсүхийн Бүгд Найрамдах Энэтхэг Улсад хийсэн төрийн айлчлалын хүрээнд хоёр орны дипломат харилцаа тогтоосны 70 жилийн ойд зориулсан “Монголын үзэсгэлэнт орон” урлагийн тоглолт Дели хотноо амжилттай зохион байгуулагдлаа.

Монголын Үндэсний Урлагийн Их Театрын уран бүтээлчид монгол үндэстний урлагийн оргил бүтээлүүд болон Энэтхэгийн алдартай бүтээлүүдийг 3,000 гаруй үзэгч олонд өргөн барьсан юм.

Манай хоёр улс энх тайван, энэрэл нигүүлсэл, хүн төрөлхтний нийтлэг сайн сайхны үнэт үзэл санааг эрхэмлэж ирсэн эртний соёл иргэншлийн өлгий нутаг, оюун санааны нэгдмэл холбоотой агаад цаашид хоёр орны энэхүү найрамдал, түншлэл улам өргөжин бэхжинэ гэдэгт итгэл төгс байна.

“Монголын үзэсгэлэнт орон” урлагийн тоглолт Дели хотноо зохион байгуулагдав