Байр суурь2 мин унших
Ц.Идэрбат: Хаяаны шороогоо авчихад л шоронд явчих хэмжээнд очсон, хатуу зохицуулалттай хуулийг амьдрал дээр буулгая!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн Ц.Идэрбат:
Баахан шат дамжлага дамжаад буцаж ирэх болдог. Энэ хооронд маш их цаг хугацаа алддаг. Цаг алдахгүйн тулд хайргаа авхуулчихаар Засаг дарга өөрөө шорон явчихгээд байдаг. Экологийн маш хүнд ялтай асуудал руу орчих гээд байдаг. Түгээмэл дээр зовлонтой зүйл юу гэхээр жирийн айл хаяаны манаазны шороогоо авчихад л шоронд явчих хэмжээнд оччихсон, хатуу зохицуулалттай, шат дамжлага ихтэй байна. Тэгээд аймаг, сумын Иргэдийн хурлын эрх мэдлийг бууруулсан. Дээрээ л бүх юмаа шийднэ гэдэг маш хүнд хууль байгаа юм. Тиймээс үүнийг хэлэлцэх эсэхийг дэмжиж, саяны агуулгуудыг оруулмаар санагддаг.
Тухайн үед яагаад айхтар хатуу хууль гаргачхав аа гэхээр түгээмэл тархацтай ашигт малтмалаар халхавчилж алт ухдаг гэж яриад байгаа юм. Тэр чинь ердөө хэдхэн аймгийн л асуудал. Архангай, Өвөрхангай, Төв хавиар л алт ухаж байгаа болохоос өөр газар түгээмлээр халхавчилж алт ухаад байгаа газар мэдэхгүй.
Тэгэхээр 1 ажлыг хаах гэж байна гээд улс даяар хүнд суртлын схем бий болгочихсон. Маш их шат дамжлагыг олгочихсон. Төрийн байгууллагаасаа эхлээд жирийн иргэн хаяаны манаачдын шороогоо хүртэл авч чадахгүй байдалд хүргэсэн нэлээн сайн цэгцлэх нь зүйтэй.
Тэгэхээр хэлэлцэх эсэх нь дэмжигдээд ажлын хэсэг гараад аймаг, сумын иргэдийн хуралд тодорхой эрх мэдлийг өгөх ёстой. Түгээмлийн нэрээр алт удаг асуудлыг аймгийн хурал зөвшөөрсөн бол хариуцлагаа тэндээ хүлээгээд явдаг механизм руугаа оръё. Голын ай сав газар гээд Улаанбаатар хотод зөвлөн их бий. Үүнийгээ давхар шийдээд энэ хуулийг хөрсөн дээр нь буулгаад, төрийн ажил явуулж байгаа Засаг дарга, Иргэдийн хурлын хариуцлага, харилцааг нь тодорхой болго.