Байр суурь2 мин унших
Н.Алтаншагай: Өмч хувьчлалаар ажилчдыг нь гудманд гаргасан гашуун туршлага давтагдах вий!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
Хэлэлцэж буй асуудлаар УИХ-ын гишүүн Н.Алтаншагай асуулт асууж, байр сууриа илэрхийллээ.
Өмч хувьчлалд болгоомжтой хандаж байна. Учир нь 1992-2000 онд хийсэн өмч хувьчлалыг монголчууд хуудуутай болсон гэсэн ойлголттой болчихсон. Тухайн үеийн эрх мэдэлтэй, мэдээлэлтэй дарга нар хувьчлаад авчихсан. Ажилчдыг нь гудманд гаргасан. Яг дампуурал болсон шүү дээ. Одоо энэ ТӨК-уд хувьд шилжсэн. Мэдээлэлд ажилчин, албан хаагчийг нь аваад үлдэнэ, цомхотгохгүй ээ л гэж байна. Энэ нь маш бэрхшээлтэй шүү. Авсан компани, хувь эзэмшиж байгаа компанид менежмент хийгээд л үр ашгийг нэмэгдүүлнэ. Баахан ухаалаг юм яриад л, хавчиж гадуурхсаар ажилчин албан хаагчдыг нь цомхотгоод, байж суух газаргүй болгож өргөдлийг нь өгүүлээд л гаргадаг шүү дээ. Стратегит суурилсан ТӨК гээд цахилгаан дулаан, эрчим хүчтэй холбоотой компаниудын 51 хүртэл хувь төрд байна гэж байгаа.
Эрдэнэтийн жишээн дээр 49/51 хувиар авчихаад 2 тал болчихсон. 49-ийн нь 51-йнхэн гээд дотроо бөөн маргаантай.
2015 онд хувьчлагдсан Хөтлөх үйлдвэр 3 өмч хувьчлал хийх юм байна. Үүний шүүхийн маргаан дуусаагүй. Дахиад энэ процесс байж байж болох юм уу? Өмчгүй төр хүчгүй гэж. Стратегийн холбогдолтой өмчит компаниудыг хувьчилдаг, үнээ нэмлээ гэж хаагаад бид нар яаж ч чадахгүй шүү дээ. Энэ дээр хамгаалалт хийж чадах уу?
