Нийтийн өмчийн тухай хуулийн төслийн хүрээнд өмч хувьчлал, төрийн өмчийг шилжүүлэх, ашиглуулах сэдвээр өчигдөр /2026.04.22/ хэлэлцүүлэг зохион байгууллаа.

УИХ-ын гишүүн, Ажлын хэсгийн ахлагч О.Номинчимэг:

Менежментийн үр дүнг харгалзан хувьчлах, түрээслэгчдэд давуу эрхээр хувьчлах нэрийн цаана олон завхрал гарчээ. Нийгмийн салбарын хувьчлал буюу соёл, боловсролын байгууллагыг маш хямдаар хувьчилсан.

Жишээлбэл:

2004 онд Ард кино театрыг 151 сая төгрөгөөр
2002 онд Хүүхэд залуучуудын театрыг 215 сая төгрөгөөр
Сэлбэ, Нарс, Жавхлант, Өлзийт, Янзага, Ундраа, Соёл, Нарлаг гэсэн 8 хүүхдийн зусланг тус бүрийг 31-55 сая төгрөгөөр хувьчилж байсан.

Одоо зориулалтаар нь ашиглаж байгаа юу гэвэл үгүй. Хорь гаруй жилийн дараа СХД-т Хүүхэд залуучуудын театрыг төсвийн мөнгөөр 30 тэрбум төгрөгөөр байгуулсан.
Дахиж алдаа гаргаад дараагийн 20-30 жилд дахиж төсвийн мөнгөөр театр барихгүйн тулд өнөөдөр энэ хуулиа сайн гаргах учиртай.

О.Номинчимэг: Хүүхэд залуучуудын театрыг 2002 онд 216 саяар хувьчилчхаад, 20 жилийн дараа төсвийн 30 тэрбум төгрөгөөр дахин байгуулсан