#Коммент2 мин унших
О.Батнайрамдал: Боловсролын зээлийн сангийн эргэн төлөлт 17,5 тэрбум төгрөгт хүрчээ

Сэтгүүлч Ц.Соёлмаа
Одоохон...
#Коммент2 мин унших

Сэтгүүлч Ц.Соёлмаа
УИХ-ын гишүүн О.Батнайрамдал Боловсролын зээлийн сангийн шударга бус тогтолцоо, онцгойлон зээлийн сангийн эргэн төлөлтийн талаар “ШҮГЭЛ” үлээж байлаа. Улмаар УИХ дахь Боловсрол, соёл шинжлэх ухаан, спортын байнгын хорооны дэргэд байгуулагдсан Боловсролын зээлийн сангийн шинэчлэлтэй холбоотой ажлын хэсгийг ахлан ажилласан. Тус ажлын хэсгээс гарсан санал дүгнэлт гаргаж, Засгийн газарт Боловсролын зээлийн сангийн талаар чиглэл өгсөн нь үр дүнгээ өглөө.
Боловсролын байнгын хорооноос засгийн газарт чиглэл өгч, Монгол банканд 14 мянга орчим зээл авсан зээлдэгчдийн 300 орчим тэрбум төгрөгийн мэдээлэл, зээлийн мэдээллийн санд нь бүртгэгдэж орсонтой холбоотой. Татвар төлөгчдийн мөнгөөр зээл болж очсон бол энэ нь заавал эргэн төлөгдөх учиртай. Дараа,дараагийн хүүхдүүдэд боловсролын зээл болох үүдийг нээж өгөх ёстой ийм л тогтолцоо. Цаашдаа боловсролын зээлийн эргэн төлөлт улам сайжирч, нэмэгдэж, хүүхэд, залуучуудад боломж олгох ёстой юм. Мөн 2025 онд Боловсролын зээлийн сангийн төсөвт 158.4 тэрбум төгрөг төсөвлөгдөж, түүхэндээ хамгийн өндөр дүнг төсөвлөгдсөн жил болж байсан. Үр дүн ч гарсаар байна.