Үйл явдал2 мин унших
Ш.Бямбасүрэн: Боловсролын зээлийн сангийн журам шинэчлэгдсэнээр эрх тэгш оролцоог бүрдлээ

Эх сурвалж:
УИХ-ын Хэвлэл мэдээллийн албаОдоохон...
Үйл явдал2 мин унших

Эх сурвалж:
УИХ-ын Хэвлэл мэдээллийн албаЮун түрүүнд БЗС-гийн зээлийн багцад магистр, докторын түвшинд 2+2 буюу Монголд 2, гадаадад 2 жил суралцах шинэ зохицуулалт орж ирсэн. Цаашлаад,
Өмнө нь 1 өрхийн 3 хүүхдийн зөвхөн 1 нь БЗС-гийн зээлээр суралцах боломжтой байсан бол шинэ журмаар тэнцсэн л бол зээл, тэтгэлэг олгох боломжтой.
Гадаадад төгсөгчдийн зээлийн эргэн төлөлтийг 20 жил хүртэл сунгах, эсвэл гадаадад 3 жил ажиллах нөхцөлтэй болгов.
Дэлхийн шилдэг сургуулиудад суралцах урилга авсан хөгжлийн бэрхшээлтэй иргэдийн сургалтын зардлыг хариуцахаар болов.
2024 оны тайлан
Харин одоо БЗС-гийн өнгөрсөн оны гүйцэтгэлийг харвал, дотоодын их дээд сургуулийн 12,762 суралцагчдад ₮22.1 тэрбумын зээл, тэтгэлэг олгосон бол гадаадад суралцаж буй 2,030 хүнд ₮34.9 тэрбумын санхүүжилтийг тус тус олгоод буй.
Цаашлаад, Ерөнхийлөгч, Ерөнхий сайд, ЗГ-ын тэтгэлгээр нийт ₮15.2 тэрбумыг олгосон байна. Энэ дундаа Ерөнхийлөгчийн дотоодод олгосон тэтгэлэг цар хүрээ болон дүнгээрээ тэргүүлж тус онд 1,152 суралцагч ₮10.2 тэрбумын тэтгэлэг авсан.
Ерөнхийлөгчийн дотоодын тэтгэлгийн санхүүжилт дутсаны улмаас төсвийн тодотгол хийж, ₮23.3 тэрбумын санхүүжилтийг олгохоор тооцоолол хийгдсэн. Улмаар нийт төсөв ₮37.5 тэрбум болсон ч, үүнээс ₮4 тэрбум дутаж төсвийн ангилал шилжүүлэхээр хүлээгдэж буй аж.
УИХ-ын гишүүн Ш.Бямбасүрэн:
Боловсролын зээлийн сангийн журам шинэчлэгдэж, сонгон шалгаруулалтыг цахимаар, ил тод нээлттэй явуулдаг болсон. Үр дүнд нь бүх суралцагчдад эрх тэгш оролцох боломж бүрдлээ.