Үйл явдал1 мин унших
Ахмад настан, азай буурлууддаа хүндэтгэл үзүүлэн амар мэндийг нь эрэн золголоо

Сэтгүүлч Ц.Соёлмаа
Одоохон...
Үйл явдал1 мин унших

Сэтгүүлч Ц.Соёлмаа
Сүрээр дарагч хэмээх “Гал морин” жилийн хаврын тэргүүн сарын шинийн гуравны билэгт сайн өдөр Баянгол дүүргийнхээ 100 ба түүнээс дээш настай эрхэм хүндэт ахмад настан, азай буурлууддаа хүндэтгэл үзүүлэн амар мэндийг нь эрэн золголоо.
Зуунаас давсан их нас гэдэг зөвхөн цаг хугацааны хэмжүүр бус, тэсвэр хатуужил, хөдөлмөр зүтгэл, ухаан билиг, өв соёл, их түүхийн алтан хуудас билээ. Улс эх орныхоо хөгжил дэвшил, их бүтээн байгуулалтад үнэтэй хувь нэмэр оруулж, үе үеийн түүхийг өөрсдийн хүч хөдөлмөр, сэтгэл зүтгэлээр хамтдаа бичилцсэн буурлууд маань үр хүүхэд, хойч үедээ үнэт сургаал, арвин баялаг туршлагаараа үлгэрлэн манлайлж яваа эрхэм хүмүүс юм.


Билэгт сайн энэ өдөр Монгол Улсын Ерөнхийлөгч Ухнаагийн Хүрэлсүхийн мэндчилгээг уламжилж, азай буурлууддаа эрүүл энх, урт удаан насалж, дүүрэн жаргалтай байхын өлзийт ерөөлийг өргөн дэвшүүллээ.
Төр, түмнийхээ төлөөх их үйлсэд минь амжилт хүсэн ерөөж буй буурлуудынхаа сургаал захиасыг хүндэтгэн дээдэлж, уламжлалт ёс заншлаа эрхэмлэн сахиж, эв нэгдэлтэйгээр улс орныхоо хөгжил дэвшлийн төлөө хичээнгүйлэн ажиллах болно.
Та бүхэндээ эрүүл энхийн дээдийг хүсэн ерөөе.
Сар шинэдээ сайхан шинэлээрэй.