Онцлох мэдээ2 мин унших
Соёл, спорт, аялал жуулчлал, залуучуудын сайдын тамга хүлээлцэх ёслол боллоо

Эх сурвалж:
Соёл, спорт, аялал жуулчлал, залуучуудын яамОдоохон...
Онцлох мэдээ2 мин унших

Эх сурвалж:
Соёл, спорт, аялал жуулчлал, залуучуудын яам
Ажил хүлээлцэх үеэр Ч.Ундрам сайд өнгөрсөн хугацаанд аялал жуулчлалыг эдийн засгийн хөшүүрэг болгох суурийг тавьж, Монгол Улс ЮНЕСКО-гийн Дэлхийн өвийн хорооны гишүүнээр анх удаа сонгогдсон зэрэг түүхэн амжилтуудыг онцлов. Тэрбээр шинэ сайдын зарчимч, тууштай зан чанар нь “Соёл, олон нийтийн төв” (СОНТ) зэрэг бодлогын томоохон шинэчлэлийг амжилттай үргэлжлүүлэн бататгана гэдэгт итгэлтэй байгаагаа илэрхийллээ.

Сайд Ж.Алдаржавхлан төрийн тамгыг хүлээн авахдаа салбарын хөрөнгө оруулалтыг хувийн хэвшилтэй уялдуулж, эдийн засгийн чадавхыг нэмэгдүүлсэн өмнөх сайдын санаачилгыг онцлон үнэлэв. Мөн төрийн бодлогын залгамж чанарыг хадгалж, Засгийн газрын үйл ажиллагааны хөтөлбөрийг салбарын хэмжээнд тууштай, эрчимтэй хэрэгжүүлэн ажиллахаа нотлон илэрхийлэв.
Албан ёсны арга хэмжээнд Засгийн газрын Хэрэг эрхлэх газрын Засгийн газрын Хэвлэл мэдээлэл, олон нийттэй харилцах газрын дарга В.Түвшинжаргал болон Төрийн ёслолын газрын мэргэжилтэн Ч.Цолмон нар байлцаж, төрийн ажлын залгамж чанарыг хангахад дэмжлэг үзүүллээ.
Соёл, спорт, аялал жуулчлал, залуучуудын сайд Ж.Алдаржавхлан:
Монгол Улсын 35 дахь Ерөнхий сайд Н.Учралын захирамжаар Монгол Улсын Засгийн газрын гишүүн, Соёл, спорт, аялал жуулчлал, залуучуудын сайдаар томилогдон, өнөөдөр үүрэгт ажлаа хүлээн авлаа. Соёлын, спортын, аялал жуулчлалын, залуучууд гэсэн 4 салбарт Монгол Улсын Засгийн газраас дэвшүүлсэн зорилтуудыг биелүүлэхийн төлөө төрийн албанд 25 жил ажилласан туршлагаараа хариуцлагатайгаар удирдан, бодит үр дүнд хүрэх бодлого хэрэгжүүлж ажиллах болно. Мөн салбарт тулгарч байгаа асуудлуудыг шийдвэрлэхийн тулд шинэ санаа, шийдэл гаргаж ажиллана.