Байр суурь1 мин унших
Б.Уянга: Төсвийн хүрээний мэдэгдлийг жил бүр биш 3 жилд 1 удаа баталж, мөрдөөд явбал төсвийн тогтвортой байдал хангагдана
Сэтгүүлч Б.Цэцэгсүрэн
Одоохон...
Байр суурь1 мин унших
Сэтгүүлч Б.Цэцэгсүрэн

УИХ-ын чуулганы /2026.05.14/-ний өдрийн нэгдсэн чуулганаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төсөлтэй хамт өргөн мэдүүлсэн хуулийн төслүүдийг хэлэлцлээ.
Хэлэлцэж буй асуудалтай холбогдуулан УИХ-ын гишүүн Б.Уянга дараах тодруулгыг авч, байр сууриа илэрхийллээ.
Төсвийн хүрээний мэдэгдэл 3 жилд 1 удаа батлагдвал төсвийн тогтвортой байдал хангагдана. Дунд болон урт хугацааны төсвийн хүрээний мэдэгдэлд хязгаар нь тогтоно.
1. 2024 оноос эхлэн УИХ төсөв ярих болгонд хүрээнийхээ мэдэгдлийг дахин дахин хэлэлцэн баталж байна. Төсвийн сахилга бат муу байгаад байна уу, эсвэл уул уурхайн орлогоос хэт хамааралтайгаар байнгын хэлбэлзээд байна уу? Тэгэхээр ийм хүрээний мэдэгдэл батлах шаардлага байна уу? Улс орнуудын жишээнээс онцлон тайлбарлаад өгөөч? Аль аль орнууд төсвийн хүрээний мэдэгдлээ баталж, тогтвортой бариад явж чадаж байна вэ?
2. Нийгмийн халамжийн тухай хуульд заасны дагуу төсвөөс хуваарилах зардлын дээд хэмжээ, өнгөрсөн онд батлагдсан төсвийн хүрээний мэдэгдэл өнөөдрийн хэлэлцэх гэж буй төсвийн хүрээний мэдэгдлийг харьцуулбал 27, 28, 29 онуудад 200 сая төгрөгөөр илүү байгаа юм. Тэгэхээр үүний ард ямар асуудал Нийгмийн халамжийн тухай хуульд нэмж тусаж байгаа болоод өнөөдөр баталж байгаа хүрээний мэдэгдэлд тус бүр 3 жилдээ 200 сая төгрөгөөр нэмж оруулж ирж байгаа вэ?
Түүний асуултад Эдийн засаг, хөгжлийн сайд Ж.Энхбаяр хариуллаа.
