Онцлох мэдээ3 мин унших
ПАРЛАМЕНТЫН “ХЯНАН, ШАЛГАХ” ЧИГ ҮҮРГИЙГ ШИНЭ ШАТАНД ГАРГАЛАА

Сэтгүүлч Soko
Одоохон...
Онцлох мэдээ3 мин унших

Сэтгүүлч Soko
Төрийн албаны бүх шатанд авлига, ашиг сонирхол, хүнд суртлаас ангид хариуцлагатай болгох, гүйцэтгэх засаглалд хяналтаа бэхжүүлэх хэрэгцээ, шаардлага нийгэмд бий болсон. Хөгжлийн банкны хэрэг, нүүрсний хулгай, “Ногоон автобусны хэрэг” гэх мэт нийгмийг бүхлээр нь бухимдуулсан асуудлууд төрийн хяналт суларсантай шууд холбоотой гэдэгтэй хэн ч маргахгүй бизээ.

Монголын парламент түүхэндээ анх удаа Хөгжлийн банкны хэрэг, Нүүрсний хулгайн асуудлаар хянан шалгах түр хороо байгуулж, нээлттэй сонсгол явуулан парламентийн гишүүдээс эхлээд төрийн өндөр албан тушаал хашиж буй, хашиж асан хүмүүсээ ч гэрчээр оролцуулан мэдүүлэг авч, алдаа завхрал хэрхэн гарсныг “ХЯНАН ШАЛГАХ” их ажлыг эхлүүлсэн нь энэ удаагийн парламентын онцлог болж байна.
УИХ-ын гишүүний 1/4 буюу 19-өөс доошгүй гишүүн “хянан шалгах түр хороо” байгуулах санал тавибал цөөнхийн төлөөллийг оролцуулан 5-19 гишүүнтэйгээр УИХ-ын тогтоолоор түр хороог байгуулна.
Дээрхи хяналтын сонсголын онцлог зохицуулалт нь УИХ-ын 9-өөс доошгүй гишүүн, Байнгын, дэд, түр хорооны нийт гишүүний олонх, эсхүл цөөнхийн бүлэг хүсэлт гаргаснаар болон хууль ёсны ашиг сонирхол нь хөндөгдөж байгаа иргэн, хуулийн этгээдийн хүсэлтийг тухайн асуудал эрхэлсэн Байнгын, дэд, түр хэлэлцэн хүлээн авснаар зохион байгуулна.

Нүүрсний хулгайг эсэргүүцсэн залуус өвлийн хүйтнийг үл ажран шударга ёсыг төрөөс нэхэн жагсаж, эрх баригчдад уг хэргийг нэн яаралтай шалгах, хэрэгт холбоотой этгээдүүдэд хариуцлага тооцох шаардлага тавьсныг УИХ хүлээн авч, Хилийн боомтын асуудлаар Хянан шалгах түр хороог байгуулан нээлттэй сонсгол хийв.
/Нээлттэй сонсгол 2023.03.20/
Хөгжлийн банкны асуудлаар Хянан шалгах түр хороо
12 жилийн өмнө улсын хөгжил, бизнес эрхлэгчдийн үйл ажиллагааг хөгжүүлэх, иргэдийнхээ ахуй амьдралыг дээшлүүлэхийг зорин байгуулсан Хөгжлийн банкны 3.3 их наядын зээлийн эргэн төлөлтөд хүндрэл үүссэн. Эндээс үүдсэн хохирол нь эдийн засагт сөргөөр нөлөөлж, авлига, ашиг сонирхлын хэрэг болсон нь илчлэгдээд буй. Иймд Хөгжлийн банкны үйл ажиллагааг эхнээс нь адаг хүртэл нь хэлэлцэж, хөгжилд зориулагдах ёстой байсан зээлүүд хэрхсэн талаар үнэнг гаргав.
/Хяналтын сонсгол 2023.10.25/
Сүүлийн үед Монгол Улсад хүүхдийн эрх ноцтой зөрчигдөж, улмаар амь нас нь эрсэдсэн асуудал нийгмийн цочроож буй. Уг асуудлын хүрээнд мэдээлэл сонсох, цуглуулах, төрийн болон төрийн бус байгууллага, иргэдийн мэдэх эрхийг хангаж, саналыг сонсож, шийдвэр гаргах түвшиндээ нэгдсэн нэг ойлголттой болоход хяналтын сонсголын зорилго чиглэгдэв. Сонсголын үеэр гарсан саналуудыг нэгтгэн Хүүхэд хамгаалал болон Гэр бүлийн тухай хуулиудад тусгах юм.
/Хяналтын сонсгол 2023.06.27/
Хүн хоногийн 80-90 хувийг дотоод орчинд өнгөрүүлдэг. Иймд гадаад орчин төдийгүй дотоод орчны бохирдлыг зайлшгүй авч үзэх шаардлагатайг нээлттэй сонсголоор хэлэлцэв.