#Коммент2 мин унших
Газрын хэвлийн баялгийг ашиглах зөвшөөрлийг агентлагийн нэг дарга гарын үсэг зураад өгчихдөг байдлыг халах шаардлагатай

Сэтгүүлч Б.Цэцэгсүрэн
Одоохон...
#Коммент2 мин унших

Сэтгүүлч Б.Цэцэгсүрэн
Монгол Улс газрын хэвлийн баялаг арвин, түүгээрээ ч улс эх орон эдийн засгаа бүрдүүлдэг. Ашигт малтмал ашигласны төлбөрийг тухайн этгээд улсад тушаадаг. Өнөөдрийн байдлаар хуримтлагдсан төлбөрийн 30 хувийг Орон нутгийн хөгжлийн нэгдсэн сан, 70 хувийг Улсын төсөвт тус тус төвлөрүүлнэ гэсэн хууль хэрэгжиж байна.
Гэвч энэ хууль амьдрал дээр хэрэгжихгүй байгаа бодит жишээг өчигдөр /2025.09.23/ болсон “Халзан бүрэгтэй”-н сонсгол дээр УИХ-ын гишүүн М.Бадамсүрэн онцолж байна.
Орон нутгийн хөгжлийн санд хуримтлагдсан 30 хувиас хөрөнгө гаргаж тухайн орон нутгийн газрын нөхөн сэргээлт, хөгжилд хөтөлж буй төсөл, хөтөлбөрүүдэд зориулах зохицуулалттай ч эс үйлдэв. Энэ бол хууль хөрсөндөө буухгүй байгаагийн тод жишээ.

Учир нь Газрын тос, газрын ховор элемент, уран гэсэн стратегийн ач холбогдол бүхий ашигт малтмалын лицензийг олгох, бусдад шилжүүлэх эсэхийг Үндэсний аюулгүй байдлын зөвлөл, Засгийн газар хэлэлцэж эцсийн шийдвэр гаргах тухай Монгол Улсын Ерөнхийлөгчийн зарлиг бий. Үүнийг сахин биелүүлэх ёстойг онцолж байна.
Эх орны баялаг, ард түмний баялгийг ашиглах зөвшөөрөл нэг даргын гарын үсгээр шийдвэрлэгддэг байдлыг халах цаг болсон.