Байр суурь2 мин унших
Ж.Батжаргал: Засаг захиргааны нэгж түүнийг дагасан үйлчилгээний чанар хүртээмжийг сайжруулна гэвэл тэнд боломж, чадамжийг бий болгох ёстой!
Сэтгүүлч Б.Хонгорсайхан
Одоохон...
Байр суурь2 мин унших
Сэтгүүлч Б.Хонгорсайхан
Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн Ж.Батжаргал:
Нэгдүгээрт, Хөдөлмөрийн үнэлэмж, цалин хөлсний улсын нэгдсэн бодлогынхоо асуудлыг бид эргэж харах ёстой. асуудал ужгираад, бид цаг хугацаа алдаад байна. Бид бүхэнтэй зэрэгцээд бүтээмж өндөртэй, баялаг ахиутай, чадамжтай улс орнууд байгаад байна. Тиймээс тэр лүү чиглэсэн урсгалууд татрахгүй байна. Дээр нь нийгмийн салбаруудыг либералчлаад байгаатай холбогдуулаад төрийн зардлаар бэлтгэгдчихсэн боловсон хүчнүүд хувийн хэвшил тал руугаа шилжилт яваад болж өгөхгүй байна. Тэгэхээр төрийн өмчлөлтэй, нийгмийн үйлчилгээний салбаруудыг хэрхэн чадамжтай байлгах вэ гэдэг асуудал бидний том бодлого болж гарч ирэх ёстой. Тиймээс эндээс байгуулагдах ажлын хэсэг хоёр салбарын цалин өсгөхтэй холбоотой биш, энэ асуудал руугаа хандсан, иж бүрэн судалгаа, тооцоолол, мэргэшсэн боловсон хүчнүүд болон бүх юмнуудаа татаж, нийгмийн зөвшилцлийнхөө хүрээнд томоохон судалгаа хийж "том шинэчлэл" хийх ёстой.

Хоёрдугаарт, орон нутгийн нэмэгдлийн тухай хөндмөөр ч юм шиг. Гэхдээ Монгол Улс өөрөө өргөн уудам нутаг дэвсгэртэй. Засаг захиргааны нэгжүүд түүнийг дагасан үйлчилгээний чанар хүртээмжийг сайжруулна гэвэл тэнд боломж, чадамжийг бий болгох ёстой. Орон нутгийн нэмэгдэл үүнрүүгээ чиглэсэн, үүгээрээ дамжиж хэт төвлөрлийг чинь задалж чадаагүй юм гэхэд хэрэгжсэнээсээ хойш сааруулж чадсан болов уу гэж ойлгоод байгаа. Үүнийгэ энэ удаагийн үйлдлээр аваад хаячхаж болохгүй. Бодлого тогтвортой байж гэмээ нь үр дүн гардаг. Нөгөө талд хэт ачаалалтай газраа бид асуудлаа орхигдуулсан нь үнэн. Тиймээс ачаалалд дүйцүүлсэн нэмэгдэл, зардлын асуудал байгаа. Үүнийг шийдэх ёстой.