Үйл явдал1 мин унших
103 насыг зооглож буй Баясгалангийн Завуужавт хүндэтгэл үзүүлэн, амар мэндийг нь айлтган золгов

Одоохон...
Үйл явдал1 мин унших

Хүнс, хөдөө аж ахуй, хөнгөн үйлдвэрийн сайд М.Бадамсүрэн XVII жарны “Сүрээр дарагч” хэмээх гал морин жилийн Сар шинийн баярыг тохиолдуулан Ахмадын холбооны тэргүүн Д.Жанцанхорлоогийн хамт яамны хамгийн өндөр настан өнөө жил 103 насыг зооглож буй Баясгалангийн Завуужавт хүндэтгэл үзүүлэн, амар мэндийг нь айлтган золгов.

Тэрбээр хуучнаар Хөнгөн, хүнсний үйлдвэрийн яамнаас ажлын гараагаа эхлүүлж манай салбарын хөгжил дэвшилд эрдэм мэдлэг, залуу насаа зориулсан ахмад зүтгэлтэн юм. Өдгөө ч гэртээ хөнгөн үйлдвэрлэл эрхэлж, чөлөөт цагаараа цүнх, түрийвч нэхдэг байна. “Аажуухан суувал таван хоногт нэг цүнх сүлждэг. Сүлжсэн эдлэлээрээ Цагаан сараар хүмүүсийн гар цайлгачихаж байна” хэмээн бидэнтэй хуучилсан юм.
Б.Завуужав гуай “Ажлыг гар, сэтгэл нийлсэн баг хамт олны хүчээр давдаг юм. Залуу хойч үе минь эв эеийг эрхэмлэж, салбарын болоод Эх орныхоо хөгжилд ихийг хийж бүтээгээрэй” гэж захилаа.