#Коммент2 мин унших
Б.Найдалаа: Амиа хорлолтыг бууруулах тодорхой шийдэл нь бүх талуудыг оролцуулсан үндэсний зөвлөл байгуулж, хөтөлбөр хэрэгжүүлэх юм

Сэтгүүлч Б.Цэцэгсүрэн
Одоохон...
#Коммент2 мин унших

Сэтгүүлч Б.Цэцэгсүрэн
Энэ насныхны нас баралтын шалгааны 4-ний 1 нь амиа хорлолт байгааг статистик тоон мэдээлэл харуулж байна.
Энэ нь цөөн хүн амтай атлаа бүс нутгийн хэмжээнд амиа хорлолтоор Солонгосын дараа хоёрт бичигдэж, эрсдэлд өртөмтгий насны бүлэг залуужсаар байгаа нь харамсалтай.
Гэвч насны бүлгээр авч үзвэл нийт амиа хорлогчдын 50,8 хувь нь өсвөр насны хүүхдүүд, залуучууд эзэлж буй нь аюулын харангын дохио юм.
Үүнд эцэг эхчүүдийн хайхрамжгүй байдал, үе тэнгийн дээрэлхэлт, ялгаварлан гадуурхалт, хяналтгүй сошиал мэдээллийн урсгал нөлөөлж байгааг судалгаа илтгэж байна.
Тиймээс Хүний хөгжил, нийгмийн бодлогын байнгын хороо, Нэгдсэн Үндэстний Байгууллагын Хүн амын сан, Сэтгэцийн эрүүл мэндийн үндэсний төвөөс Нийгмийн сэтгэл зүй, хүүхэд, өсвөр үеийн сэтгэцийн эрүүл мэндийн зан үйлийн талаарх судалгааны үр дүнг танилцуулах уулзалт-хэлэлцүүлгийг өнгөрөгч Даваа гарагт зохион байгуулав.

УИХ-ын гишүүн, ХХНББХ-ны дарга Б.Найдалаа нийгмийн тулгамдсан энэ асуудлыг шийдвэр гаргагчдын цаашлаад олон нийтийн анхааралд хүргэхээр СЭМҮТ-тэй хамтран ажиллаж байгааг дурдаад энэ нь зөвхөн ЭМЯ, эсвэл СЭМҮТ-ийн судалгааны ажил биш, салбар хоорондын Засгийн газрын ажил гэдгийг тодотгов.
Тиймээс шийдэл нь Амиа хорлолтын эсрэг үндэсний зөвлөл байгуулах гэв. Өөрөөр хэлбэл хурал, зөвлөгөөн хийгээд хэлэлцээд өнгөрөх биш, цагдаа, хүний эрх, эрүүл мэнд, боловсрол, нийгмийн хамгаалал гээд энэ бүгд яамд, салбарын чиглэлүүд оролцсон Үндэсний зөвлөл байх ёстой. Үүнд таарсан хөтөлбөр, хөтөлбөрт таарсан төсөв байх ёстой. Ингэж гэмээ нь Монгол Улс амиа хорлолтыг бууруулж чадна гэж дүгнэжээ.