Байр суурь2 мин унших
Д.Бум-Очир: Бид ер нь эрүүл мэндийн талаарх сэтгэлгээ, соёлоо өөрчилмөөр юм шиг, шууд антибиотик аваад уучихна, шалтгаант заалтгүй ч жилдээ нэг хэвтихье гэдэг...
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн

Хэлэлцэж буй асуудалтай холбогдуулан гишүүд асуулт тавив.
УИХ-ын гишүүн Д.Бум-Очир:
Гүйцэтгэлийн санхүүжилтийг нэвтрүүлсэн нэг шалтгаан нь нийт эрүүл мэндийн зардалд хувь хүний төлөх төлбөрийн эзлэх хувь өндөр байв. 2021 оноос үүнийг нэвтрүүлснээр ямар зорилго тавьсан гэхээр хувь хүний төлөх хувь хэмжээг бууруулъя гэсэн зорилго тавьж хэмээн ойлгоод байна. 2020 онд 43.7 хувь, 2022 онд 38.9, 2023-24 оны тоо нь байхгүй байна. Энэ үргэлжлээд явж байгаа юу?
2020 онтой харьцуулахад 2022 он гүйцэтгэлийн санхүүжилт нэвтрүүлснээр 4.8 хувиар л буурсан байгаа юм. Энэ хангалттай бууралт мөн үү?
Учир нь ЭМДС-аас 2020 онд 450 тэрбумыг, 2022 онд 1 их наяд 480 сая, 2025 онд 2 их наяд 242 сая гээд зарцуулалт 3.5 дахин нэмэгдсэн байгаа юм. Энэ нэмэгдсэн үзүүлэлттэй харьцуулахад иргэдээс гарч буй зардал нь хангалттай түвшинд буурсан харагдахгүй байна. Энэ тоон дээр тайлбар өгөөч!
Өөрөөр хэлбэл эрүүл мэндийн түүхэнд нь өөр зүйл ороод ирдэг. Санаа нь бол хавар, намар болж байна, нэг хэвтээд эмчлүүлчихье гээд. Ийм байдлаар асуудалд хандаад байгаа нь эмнэлэгт хэвтэлтийн түвшин өндөр байгаатай холбоотой юу?
Бид ер нь эрүүл мэндийн талаарх сэтгэлгээ, соёлоо өөрчилмөөр юм шиг. Шууд антибиотик аваад уудаг. Манайд буруу тогтчихсон зүйлс нэлээдгүй байна. Хэрхэн тэмцэх вэ?
Түүний асуултад Эрүүл мэндийн сайд Ж.Чинбүрэн хариуллаа.