Байр суурь6 мин унших
Эрүүл мэндийн даатгалын шинэ хуулиар бид ийм эрх эдэлнэ

Даатгуулагчийг хэвтүүлэн эмчлэх үед өвчний түүхэнд бичигдсэн эм, тариа, ороох боох материалын зардлыг өөрөөр нъ гаргуулсан тохиолдолд зах зээлийн дундаж үнээр тооцон даатгуулагчид буцаан олгох, эрүүл мэндийн даатгалын сангаас төлөх тусламж, үйлчилгээний зардлын төлбөрийн хэмжээгээр даатгуулагчийн төлөх төлбөрөөс хасч тооцох ажээ.
Иргэний эрүүл мэндийн даатгалын шинэ хууль энэ сарын 1-нээс хүчин төгөлдөр хэрэгжиж эхэллээ. Хууль хэрэгжсэнээр эмнэлгийн байгууллага, эмч, ажиллагсдын хүнд сургал багасч, иргэд, даатгуулагчдаа хүндэтгэдэг, сэтгэлд нь хүрсэн үйлчилгээ үзүүлж чаддаг болно хэмээн хүлээж буй. Даатгуулагч эмнэлгээ, эмчээ сонгож үйлчлүүлэх боломжтойгоос гадна өртөг өндөртэй зарим үйлчилгээний зардлыг Эрүүл мэндийн даатгалын сангаас гаргуулах, даатгалын мөнгөө өөрөө удирдах зэрэг эрүүл мэндийн байгууллагуудын эмчилгээ, үйлчилгээний өрсөлдөөнийг бий болгох шинэ хуулийн зарим заалтыг танилцуулъя.
ТӨР, ХУВИЙН ЭМНЭЛГҮҮД ХАМТАРЧ, ДААТГУУЛАГЧ ЭМНЭЛГЭЭ СОНГОНО
Хууль санаачлагчид шинэ хуулиар “Эрүүл мэндийн байгууллагуудын ачааллыг тэнцвэржүүлэх үүднээс төр, хувийн хэвшлийн эмнэлгүүдийн хамтын ажиллагааг өргөжүүлэх. Тухайн төрийн өмчийн эмнэлгээс илүүхүчин чадалтай техник, технологи нэвтрүүлж чадсан хувийн эмнэлэгтэй харилцаа тогтоосны үндсэн дээр ачааллыг бууруулна” хэмээн тодотгосон. Ингэхийн тулд орчин үеийн өндөр технологийн, багаж, төхөөрөмж, аппарат хэрэгсэлтэй хувийн эмнэлгүүдийг Эрүүл мэндийн даатгалын байгууллага төрийн эмнэлэгтэй холбон хамтран ажиллах гэрээ байгуулж, хамтын ажиллагааг эхлүүлэх юм байна.
Ингэснээр иргэд хувийн эмнэлгүүдээр ч ЭМД-ын дэвтрээрээ үйлчлүүлж, тусламж, үйлчилгээ авах боломжгой болох юм. Улсын эмнэлгүүдийн ачаалал буурахын зэрэгцээ иргэд ч сэтгэлд нийцсэн үйлчилгээгээ авах боломжтой болох аж. Эрүүл мэндийн байгууллагууд техник, хэрэгсэл, үйлчилгээ, эмчилгээний үр дүнгээрээ өрсөлдөж, үүнийгээ дагаад эрүүл мэндийн салбарын үзүүлэлт, үйлчилгээ сайжирна хэмээн албаныхан үзэж байгаа юм. Гэвч төр, хувийн хэвшлийн эмнэлгүүдийн харилцаа холбоог хэрхэн бий болгох, уялдаж, хамтарч ажиллах эсэх талаар тодорхой ажил одоогоор хийгдээгүй байна.
Хэвтэн эмчлүүлэгч эм тариагаа өөрөөсөө гаргахгүй
Хэн нэгний эсвэл эмч эмнэлгийн ажилтны буруугаас даатгалын үйлчилгээгээ гүйцэд авч чадаагүй бол Үндэсний зөвлөлд гомдол гарган шалгуулж, эрүүл мэндийн даатгалын сангаас нөхөн олгуулах боломжтой болох юм байна. Даатгуулагчийг хэвтүүлэн эмчлэх үед өвчний түүхэнд бичигдсэн эм, тариа, ороох боох материалын зардлыг өөрөөр нь гартуулсан тохиолдолд зах зээлийн дундаж үнээр тооцон даатгуулагчид буцаан олгох, эрүүл мэндийн даатгалын сангаас төлөх тусламж, үйлчилгээний зардлын төлбөрийн хэмжээгээр даатгуулагчийн төлөх төлбөрөөс хасч тооцох ажээ. Харин ажил олгогч, ерөнхий менежер эрүүл мэндийн даатгалын шимтгэлийг энэ хууль болон Нийгмийн даатгалын тухай хуульд заасан хутацаанд шилжүүлээгүй бол уг шимтгэлийг нөхөн төлүүлж, хугацаа хэтэрсэн хоног тутамд төдбөл зохих шимтгэлийн 0.3 хувьтай тэнцэх хэмжээний алданги ногдуулна. Энэхүү алдангийн хэмжээ нь төлбөл зохих шимтгэлийн 50 хувиас хэтрэхгүй байхаар заажээ.
ИРГЭН БҮР ЦАХИМ КАРТТАЙ БОЛНО
Шинэ хуулиар иргэн бүр Эрүүл мэндийн цахим картгай болох ёстой. Уг карт нэгдүгээрт, эрүүл мэндийн даатгалын нэгдсэн мэдээллийн санд даатгуулагчийн нэвтрэх түлхүүр болно. Тухайн иргэн картынхаа нууц дугаарыг оруулснаар эрүүл мэндийн даатгалын санд байгаа хувийн файл нээщэнэ. Энэ файлд өвчтний түүх бичигдсэн байна. Энэ нь эмчлэх гэж байгаа эмч, эмнэлгийн ажилтнуудад шаардлагатай мэдээллийг өгөх аж. Хоёрдугаарт, цахим карт төлбөрийн мэдээллийн хэрэгсэл болно.
Иргэн өөрийн сонгосон эмнэлэгт эмчлүүлээд гарахдаа картаа уншуулаад төлбөрөө төлнө. Үүнээс гадна даатгуулагчийн тухайн жилдээ ЭМД-ын сангаас ямар хэмжээний төлбөр авч болох, өнөөдрийн байдлаар ямар хэмжээний төлбөр авсан, цаашид хэдэн төгрөгийн эрх байгаа зэргийг хянах боломжтой аж.
Гэхдээ хууль хэрэгжиж эхэлснээр энэ бүхэн бий болчихгүй. Учир нь, иргэн бүр цахим карттай байх ёстой учраас эхний ээлжинд гурван сая иргэний мэдээллийн нэгдсэн санг бий болгоно. Үүнд цаг хугацаа, боловсон хүчин, багагүй төсөв шаардлагатай. Одоогоор энэ ажил бэлтгэлийн шатандаа явж байгаа юм байна. Учир » нь, тухайн хүний цахим картанд эхийн хэвлийд бий болсон цагаас нь эхлээд төрсөн он, сар, өдөр, цаг, минут, өвчтэй, эрүүл төрсөн үү гэх мэтээс эхлээд бүх мэдээллийг багтаах юм.
Сэтгүүлч enkhtuul



