#Коммент2 мин унших
Н.Учрал: Монгол Улсын таван жилийн үндсэн чиглэлийг анх удаа хэмжиж, хянаж, дүгнэж болохуйц байдлаар боловсрууллаа

Сэтгүүлч Ц.Соёлмаа
Одоохон...
#Коммент2 мин унших

Сэтгүүлч Ц.Соёлмаа
Хэрэв бид зорилтоо хэмжиж, хянаж, дүгнэж чаддаг зөв жишгийг тогтоож чадвал таван жил гэлтгүй, жил бүрийн ажлаа бодитоор үнэлж, хэмжиж, хянаж, дүгнэдэг шинэ соёлыг бий болгож чадна.
Манай улсад хуулийн хэрэгжилт хангалтгүй байгаа гол шалтгаан бол яам, төрийн захиргааны байгууллагууд журмаа батлахгүй байгаатай холбоотой. Нэг хууль хэрэгжүүлэхэд 10-17 журам гарч ирдэг. Журмаа ч хуульд нийцүүлж баталдаггүй, хуулиа ч хэрэгжүүлдэггүй. Энэ бүх тодорхойгүй байдлыг цэгцлэхээр Монгол Улсын таван жилийн үндсэн чиглэлийг анх удаа хэмжиж, дүгнэж болохуйц индикаторуудтай, хугацаатай, тоон үзүүлэлтэд суурилсан байдлаар боловсруулсан.
“Quantitative” буюу тоогоор хэмждэг шинэ арга зүйг нэвтрүүлж байгаа. “Чанартай болгоно”, “Сайжруулна” гэж ерөнхий ярихгүй. 5 жилийн дотор эдийн засгийн өсөлтөөр дэлхийн эхний 60 улсын тоонд орно гэж зорьж байгаа бол зорилтдоо хүрэх ёстой.
Үүний тулд салбар бүр хууль, эрх зүйн орчноо шинэчилж, хамтдаа шийдвэрлэнэ.
Хэрэгжүүлэх үүрэг, зорилт бүрийг тодорхой хугацаатай болгож, хариуцлагын тогтолцоог хатууруулна.
Төсвийн хөрөнгөөр үр дүнгүй 10 форум зохион байгуулаад 100% ажлаа үнэлүүлдэг байдал арилна.Төрийн шийдвэрийн уялдаа сайжирна. Давхардал арилж, бодит үнэлгээ хийх нөхцөл бүрдэнэ.Үнэнээ хүлээн зөвшөөрч, үр дүнгээр хэмжигддэг шинэ тогтолцоог хамтдаа бий болгоё!
