Үйл явдал1 мин унших
Цэргийн холбоочид дэлхийн аваргаа угтан авлаа

Спортыг хөгжүүлэх
БНХАУ-ын Хайнинг хотод 2025 оны Туухай өргөлтийн дэлхийн аварга шалгаруулах тэмцээнд амжилттай оролцож, хос алтан медаль хүртсэн Зэвсэгт хүчний Хуурай замын цэргийн командлалын Холбооны хээрийн зангилгааны инженер, ОУХМ, дэслэгч Б.Ундрахыг эх орондоо ирэхэд нь хайртай гэр бүл, хамт олон нь угтан авч, баяр хүргэлээ.
ХЗЦК-ын Холбооны хэлтсийн дарга хурандаа Д.Батсайхан тэргүүтэй цэргийн холбоочид дэлхийн аваргадаа баяр хүргэж, амжилт хүссэн бол дэслэгч Б.Ундрахын гэр бүлийнхэн охиныг минь дэмжиж, дэлхийн аваргын тэмцээнд оролцох бололцоогоор хангасан Зэвсэгт хүчнийхэнд талархаж байна хэмээн сэтгэгдлээ хуваалцсан юм.
Дэслэгч Б.Ундрах ҮБХИС-ийн сонсогч байхдаа туухай өргөлтийн спортоор 2023, 2024 онд дэлхийн аваргын алтан медаль, 2023 онд Азийн аваргын алтан медалийг хүртсэн бөгөөд өмнөх амжилтуудаа нэгтгэвэл тэрээр дэлхийн аваргаас 4 алтан медаль хүртээд байна.

