Байр суурь1 мин унших
О.Саранчулуун: Дэлгэцээр согтууруулах ундаа гаргахыг хориглодогтой адил тамхи, тамхидалтыг хориглох шаардлагатай
Сэтгүүлч Б.Цэцэгсүрэн
Одоохон...
Байр суурь1 мин унших
Сэтгүүлч Б.Цэцэгсүрэн
Хэлэлцэж буй асуудалтай холбогдуулан гишүүд асуулт асууж, үг хэлэв.
УИХ-ын гишүүн болоод ажлын хэсгийн гишүүн О.Саранчулуун:
Электрон тамхийг хоргүй гэж албан ёсоор баталсан судалгаа байхгүй. Өсвөр үеийнхэн, ЕБС-ийн сурагчид дунд тамхи, электрон тамхины хэрэглээ өндөр байгаа. Бид хүүхдүүдийнхээ сургалтын хөтөлбөрт сэтгэлзүйн асуудлыг яаж даван туулдаг вэ гэдгийг тусгаж өгдөггүй. Дэлгэц, медиа, кинонд харуулахдаа тамхи татаж тайвширч буй дүрсийг харуулж үлгэрлэж байна. Бид юуг сурталчилж хүний зан үйл болгож байгаагаа нэг харах хэрэгтэй.
Иймд:
Зар сурталчилгааны тухай хуулийн 14.5.2 заалтад "Согтууруулах ундаа нь хүнийг олон нийтийн, мэргэжлийн, спортын, хувийн амжилт гаргах, нэр хүндээ өсгөхөд түлхэц болох болон бие махбод, сэтгэл хөдлөлийг сэргээх ач холбогдолтой гэсэн агуулга илэрхийлэхийг хориглоно" гэж заасан байдаг.
Үүнд ТАМХИ, ТАМХИДАЛТ-ыг ч мөн тусгахыг шаардана.
Яагаад хориглож байгаа, хориглосон зүйлээ яаж орлуулж нөхөх тухай бид мөн ярих хэрэгтэй. Ингэхээр хүний зан үйл, сэтгэл зүйн хэрэгцээ рүү ороод явах юм.