Байр суурь2 мин унших
О.Саранчулуун: ЕБС-иудад төрөөс олгодог хөгжлийн бэрхшээлтэй хүүхдийн суралцах зардлыг Дэмжих төвүүд рүү шилжүүлж бодит ажил болгоё!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
Хэлэлцүүлж буй асуудалтай холбогдуулан УИХ-ын гишүүн Б.Саранчулуун үг хэлж, тодруулга авлаа.
2017 оны шийдвэрийн 1.4-т Тусгай хэрэгцээт боловсролын сургууль цэцэрлэгийг БСШУС-ын яамны харьяалалд хууль тогтоомжид заасны дагуу яаралтай шилжүүлэх тухай заасан. Үүнээс ургасан 5 санал байна.
Харьяанд шилжүүлээд Боловсролын хүрээлэнд шинээр хөгжлийн бэрхшээлтэй хүүхдийн хөгжил, боловсрол арга зүйн секторыг байгуулснаа татан буулгаад,сайдын тушаалаар 2023 онд эрдэм шинжилгээний ажилтны ажиллуулна гэжээ. Улмаар аймаг, нийслэлийн боловсролын газар ийм бүтэц бий болгосон. Эдгээр ажилтнуудад үндсэн цалингийн 10-30 хувийг нэмэгдэл болгон сар бүр олгож хэвшсэн гэж дурджээ. Мөн 2020 онд ердийн хүүхэдтэй ажилладаг багш, сурган хүмүүжүүлэгчдийн цалин мөн нэмэгдсэн гэсэн биелэлтийг бичжээ.
Гэтэл өнөөдрийн байдлаар Боловсролын яаман дээр тэгш хамруулах, хөгжлийн бэрхшээлтэй хүүхдийн боловсролын асуудал эрхэлсэн бүтцэд маргаантай асуудал үүсэж байгаа. Энэ ямар байдалтай байгааг тодруулъя.
Хөгжлийн бэрхшээлтэй хүүхдүүдийн суралцах эрх нь зөрчигдөж байна. Учир нь хөгжлийн бэрхшээлтэй хүүхдүүд бүртгэлтэй хаягаа систем дээрээ солих боломжгүй нөхцөл үүссэн.
Хоёрдугаарт бүх хүүхдүүд сурах боломжтой гэсэн мөртөө бүртгэлтэй хаягт харьяалагдах бага, дунд сургуульд сурахаар очиход хүлээж авах орчин болоод багшийн заах арга зүйн бэлтгэл хангагдаагүйн улмаас энэ хүүхдийг манай сургууль авах боломжгүй байна гэдэг. Эцэг эхчүүд боломжтой тойрог руу нь очиж хүүхдээ сургая гэхээр хамран сургах тойргийн харьяалал биш, эсвэл бүртгэлгүй байна гэдэг асуудал ургадаг.
Бэрхшээлийн хүнд хөнгөнөөс хамаараад тэгш хамрагдах боломжгүй шалтгаанаар Дэмжих төв гэсэн бүтцийг ярьсан. Дэмжих төвүүд дээр хөдөлгөөн засалч гэх мэт мэргэжилтнүүд ажиллах гэхээр зардал дээр асуудал үүсдэг. Тэгэхээр сургууль тэгш хамрах сургахтай холбоотой зардлыг улсын сургууль, цэцэрлэг аваад сургаж чадахгүй бол тэр зардлыг ойр хавийн дэмжих төв рүү нь шилжүүлэх энэ асуудлыг өмнөх сайд, яамд ярьж байсан ч өнөөдөр зогсонги байдалд орчихсон. Энэ ажил биелэгдэхгүй байгаа талаар эцэг эхчүүдээс маш их гомдол ирсэн.
Засийн газрын Хүүхдүүд сурч байгаа, болж байгаа гэдэг ч би биелэлт дутуу байна, процесс алдаатай байна, энэ асуудлаар бодлого, хэрэгжилтийг хариуцдаг Боловсролын Ерөнхий газар дээрх нэгж, яаман дээрх нэгж, хэлтсийн асуудал ямар түвшинд байгаа, цаашид хэрхэхийг тодруулж асуугаад байгаа юм.