Байр суурь1 мин унших
Ц.Туваан: Зуны наадмын морин уралдааныг зөвшөөрөөд бусад үед хориглож байгаад логик алга

Сэтгүүлч Б.Цэцэгсүрэн
Одоохон...
Байр суурь1 мин унших

Сэтгүүлч Б.Цэцэгсүрэн
Улсын Их Хурлын Төрийн байгуулалтын байнгын хорооны өнөөдрийн (2026.11.18) хуралдаанаар Хүүхдийн эрх, аюулгүй байдлыг хамгаалах асуудлыг хэлэлцлээ.
УИХ-ын гишүүн Ц.Туваан:
Уг асуудлыг зөвхөн хурдан морины уралдаанаар хязгаарлаж болохгүй. Өвлийн спорт, бусад төрлийн тэмцээн уралдаан, авто замын хөдөлгөөн гээд хүүхэд эрсдэлд өртөж буй олон асуудал бий. Тиймээс эдгээрийг хууль эрх зүйн хүрээнд нарийвчлан зохицуулж, төрийн хяналт, хариуцлагын тогтолцоонд оруулах шаардлагатай.
Хурдан морины уралдааны тухайд хориглох, зөвшөөрөхөөс илүү бодит нөхцөлд нийцсэн зохицуулалт чухал. Тавдугаар сарын 1-нээс хойших уралдаанд морины зам уртасч, морины хурд орчихсон, хамгаалалтын хувцас нимгэрдэг бодит нөхцөл бий. Гэтэл зуны наадмын уралдааныг зөвшөөрөөд бусад үед хориглож байгаа нь зохицуулалтын логикийг эргэн харах шаардлага үүсгэж байна.
Иймд уралдаан зохион байгуулах хугацааг зөвхөн шинийн 15-наар хязгаарлах бус, агаарын температур, цаг агаарын нөхцөл, хүүхдийн нас, хамгаалалтын хэрэгсэл болон аюулгүй байдлын шаардлагад үндэслэн хуульчлах хэрэгтэй.
Гол нь бүхнийг хориглох биш, хүүхдийн амь нас, эрүүл мэндийг нэн тэргүүнд хамгаалсан, бодит амьдралд хэрэгжихүйц хяналттай, хариуцлагатай зохицуулалт бий болгох ёстой.