#Коммент2 мин унших
Т.Мөнхсайхан: Сургуулийн орчинд суралцагчийн эрүүл мэндийг хамгаалах, дэмжих тогтолцоог хуулиар бүрдүүлнэ

Сэтгүүлч Б.Хонгорсайхан
Одоохон...
#Коммент2 мин унших

Сэтгүүлч Б.Хонгорсайхан
Уг хуулийн төсөл нь эрүүл мэндийг дэмжигч сургуулийн тогтолцоог бий болгох, суралцагчдыг урьдчилан сэргийлэх үзлэг, шинжилгээнд хамруулах, сургуулийн орчны аюулгүй байдлыг стандартын дагуу хангах, хэрэгжилтийг жил бүр үнэлж олон нийтэд мэдээлэх зохицуулалтыг тусгасан.
Олон улсын болон дотоодын судалгаагаар сургуулийн орчны агааржуулалт, агаарын бохирдол, осол гэмтлийн эрсдэл, аюулгүй байдлын дутагдал ноцтой түвшинд байгааг харгалзан уг хуулийн төслийг боловсруулсан бөгөөд ДЭМБ-ын зөвлөмж, олон улсын сайн туршлагад тулгуурласан болно.
НҮБ-ын Хүүхдийн сангаас 2024 онд боловсруулсан “Хүүхдийн орчны эрүүл мэндийн түргэвчилсэн үнэлгээний тайланд:
ерөнхий боловсролын сургуулийн 51% нь авто замтай ойр,
79% нь автомашины хурд сааруулагчгүй,
33% нь стандартын шаардлага хангаагүй хашаатай,
77.2% нь эдэлбэр газраа зориулалтаар нь ашигладаггүй,
73.2% нь аюулгүй байдал хангасан биеийн тамирын талбайгүй,
13% нь хүүхэд унаж, гэмтэх аюултай нүхтэй,
76.9% нь гадна орчинд цахилгааны ил задгай утастай гэсэн судалгааны үр дүн гарчээ.
Хуулийн төсөл батлагдсанаар Монгол Улсад эрүүл, аюулгүй, хүүхдэд ээлтэй сургуулийн орчин бүрдэж, сургуулийн орчны эрүүл мэндийг хамгаалах бодлого тогтвортой хэрэгжих эрх зүйн үндэс бүрдэнэ.
