Байр суурь2 мин унших
О.Саранчулуун: Нөлөөллийн аян болоод өнгөрөх биш дүрэм журам болж мөрдөгддөг байх ёстой
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын гишүүн О.Саранчулуун:
Яг одоогийн байдлаар дээрэлхэлтийн эсрэг бодлого дүрэм, журамтай хэчнээн сургууль байгаа вэ?
Аюулгүй сүлжээ гэдэг шинэ санаачилга гаргасанд баяртай байна. Үүнийг ажиллуулж эхлэхийн тулд одоогийн байгаа ямар тоон мэдээллүүд суурь болж ашиглагдах боломжтой вэ? Учир нь маш их тоон мэдээлэл авч ашиглах шаардлагатай үйл явцууд харагдаж байна.
Дээрэлхэлтийн эсрэг дүрэм журамтай сургууль гэдэг нь урьдчилан сэргийлэх бодлоготой, сургууль дээрээ тамга тэмдэгтэй, дүрэм журамтай, хэрэв үүнийг зөрчвөл хариуцлага тооцдог механизмын талаар асууж байна гэсэн үг. Багш, сургууль, аав ээж нарт зориулсан ийм бодлоготой сургуулийн тоог асуусан юм. Түүнчлэн Аюулгүй сүлжээний дата төрийн байгууллагад байгаа, төрийн үйлчилгээнд байгаа ямар тоон мэдээлэл дээр түшиглэх вэ? Хур, Дан гээд ямар системүүдийг ашиглах вэ?
Шинэ аян Монгол Улсад цөөдөөгүй. Энэ хугацаанд маш их сургалт, аян зохион байгуулсан байна. Гэхдээ үүний ард төсвийг нь тавиад өгчихвөл их зүйлийг харах боломжтой. Сургалт, аян бол нөлөөллийн ажил мөн хэдий ч эдгээр нь дүрэм, журам, бичиг баримт болж үлдээд дагаж мөрддөг болсон тухай тодруулмаар байгаа юм. Аюулгүй сүлжээг эхлүүлж байгаа бол үүнийг дагаад ямар бодлогын баримт бичгүүд байх вэ? Шинэ зүйл хийхийн тулд одоо байгаа датагаа ашиглахгүй бол дахиад л сайт, аппликейшн хийгээд ажилладаггүй. Төрд байгаа ямар системтэй уялдуулж энэ системээ ажиллуулах вэ?