Байр суурь1 мин унших
Ж.Чинбүрэн: ЭМ-ийн салбарын алдаа оноонд ойр ажилласан Г.Занданшатар танд талархъя!
Сэтгүүлч Б.Цэцэгсүрэн
Одоохон...
Байр суурь1 мин унших
Сэтгүүлч Б.Цэцэгсүрэн

Хэлэлцэж буй асуудалтай холбогдуулан гишүүд асуулт асууж, үг хэллээ.
УИХ-ын гишүүн, Эрүүл мэндийн сайд Ж.Чинбүрэн:
Ажлын эхний өдрөө Халдварт өвчин судлалын үндэсний төв (ХӨСҮТ) -д ажиллаж улаанбурхан өвчнийг хяналтад авахад шаардлагатай бүх шийдвэрүүдийг гаргаж, санхүүжилтийг нь шийдэж байв. Улмаар Монгол Улсын Засгийн газрын тэргүүнээр ажиллах бүхий л хугацаандаа манай салбарын голлох эмнэлгүүдэд зочлон ажиллаж эмч ажилтнуудыг маань сонссонд баярлалаа.
Нийгмийн эрүүл мэндтэй холбоотой түүхэн шийдвэрүүдийг гаргаж Өвчний хяналт сэргийлэлтийн төвтэй болох ажлыг алх цохин эхлүүлэв. Өнгөрсөн долоо хоногт болсон Засгийн газрын хуралдаанаар Нийгмийн эрүүл мэндийн Үндэсний зөвлөл байгуулахыг дэмжив.
Таны Засгийн газрын үед эрүүл мэндийн салбарынхны цалин түүхэндээ анх удаа 75 хувь нэмэгдэхээр болж өнөөдрийн байдлаар 30 хувь нэмэгдээд байна.
Та бол Эрүүл мэндийн салбар, ард түмнийхээ эрүүл мэндийн тулгамдсан асуудалд хамгийн их анхаарч ажилласан Ерөнхий сайд байсныг нүүр бардам хэлэхэд таатай байна.
Таны дэмжин гаргасан олон олон шийдвэрүүд эрүүл мэндийн салбарынхны урам зориг, ажиллах таатай нөхцөл болж монгол түмний эрүүл мэнд, элэг бүтэн амьдралд урт хугацаанд үр өгөөжөө өгсөөр байна гэдэг нь гарцаагүй юм.