#Тойрог1 мин унших
Тив дэлхийн тамирчдыг төрүүлэх Спорт цогцолбор СХД-т нээлтээ хийлээ

Одоохон...
#Тойрог1 мин унших

Сонгинохайрхан дүүргийн Толгойт орчимд 2022 онд Улсын төсвийн хөрөнгө оруулалтаар “СПОРТ ЦОГЦОЛБОР"-ын барилгын ажлыг Хотын дарга Х.Нямбаатарын санаачилгаар УИХ-ын гишүүн Н.Алтаншагай дүүргийн Засаг даргаар ажиллаж байхдаа шав тавьж байв.
Өнгөрөгч Бямба гарагт /2026.04.25/ тус спорт цогцолбор нээлтээ хийснээр Орбит, Толгойт бүсийн иргэд, хүүхэд, залуучууд чөлөөт цагаа зөв боловсон өнгөрүүлэх, усан спорт, фитнес, боулингоор хичээллэх боломж бүрдэж байна.


Спорт цогцолбор 25 метрийн урттай таван зам бүхий бассейн, боулинг, фитнесийн тоног төхөөрөмжтэй олон улсын стандартад нийцсэн орчин үеийн ордон бий боллоо.
Нээлтийн үйл ажиллагааны хүрээнд “Сонгинохайрханы сорилго” өсвөрийн тэмцээнийг 7-8, 9-10,11-12 насны ангилалд 50м зайд, 4 төрлийн сэлэлт болон 9-10, 11-12 насны ангилалд 100 м холимог сэлэлтийн төрлүүдэд зохион байгууллаа. Усан спортоор хичээллэж буй 17 багийн 280 орчим тамирчид нас насны ангилалдаа хурд хүч, авхаалж самбаагаараа өрсөлдөн медалийн эзэд тодорлоо. Цаашид энэхүү спорт цогцолборт олон улсын болон улсын чанартай олон тэмцээн, уралдаан зохион байгуулагдахаар товлогдоод байна.



