Байр суурь2 мин унших
Х.Булгантуяа: Манай улс нийгмийн хамгааллын асуудлыг халамж тараах төдийхнөөр шийдэх юм шиг ханддаг!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.04.30/-ны өдрийн хуралдаанаар Нийгмийн ажлын тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцлээ.
Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн Х.Булгантуяа:
Манай улс нийгмийн хамгааллын асуудлыг халамж тараах төдийхнөөр шийдэх юм шиг боддог. Нийгмийн халамжийн шинэ хуулийг УИХ-д өргөн барихаар Гэр бүл, хөдөлмөр нийгэм хамгааллын яам мөн ажиллаж байгаа. Хэлэлцүүлж буй хуулинд халамжаас илүүтэйгээр нийгмийн үйлчилгээг төр болон төрийн бус байгууллагуудтай хамтран үзүүлж халамжаас хөдөлмөрт шилжүүлэх юм аа гэж концепцтойгоор явж байна. Энэ хуулийг төсвийн хувьд боломжгүй гэж үзэн ЗГ-аас дэмжээгүйг ойлгохгүй байна. Мэдээллийн сан байгуулах, шинэ хуулиа сурталчлахтай холбоотой багахан зардал гарахаас өөр улсын төсвөөс нэмж гарах зардал алга. Өнөөдөр эрүүл мэнд, шүүхийн шийдвэр, боловсрол, хүүхэд хамгаалал, нийгмийн хамгааллын салбарт нийтдээ 3 мянга гаруй нийгмийн ажилтан бий.
Дэлхийн улс орнуудын жишиг нэн тэргүүнд хуультай болж байж эрх зүйн байдлыг нь хангах, цаашлаад мэргэжлийн шатлалтай болох, салбар дотроо ахин дэвших боломж үүд хаалгыг нээхгүй бол нийгмийн ажилтан 5, 10 жил ажиллаад ахиж дэвших боломж бололцоо байхгүй учраас энэ мэргэжлийг сонгохгүй байна. ХЭҮК-оос гаргасан тайланд нийт хүүхэд хамгааллын ажилтнуудын 50 орчим хувь нь 1-ээс 2 жил ажиллаад л гарчихдаг. Иймд нийгмийн ажилтны эрх зүйн байдлыг сайжруулах, хамгаалах хэрэгцээ шаардлага байгаа юм. Мөн нийгмийн ажилтнуудын ажлын байрны тодорхойлолт тодорхой биш учир хэрэгтэй хэрэггүй ажлуудыг тайлан мэдээллийг нэгтгэдэг.
1. Салбартаа ахиж, дэвших бололжийн талаар хуульд хэрхэн тусгасан бэ?
2. Мэдээллийн сангийн асуудлыг тусгасан. Хуулийн хүрээнд ямар төсвүүд гарч байгаа болоод ЗГ-ын зүгээс дэмжихгүй байна вэ?