УИХ-ын ХЗБХ-ны хуралдаанаар Хүн худалдаалах гэмт хэрэгтэй тэмцэх чиглэлээр хэрэгжүүлж буй арга хэмжээний талаарх Засгийн газрын мэдээлэл сонслоо.
Энэ үеэр УИХ-ын гишүүн С.Эрдэнэболд дараах байр суурийг илэрхийллээ.
Нэгт, Эпштейн гэхээр өнгөрсөн хугацааны юм яригдаж байна. Тэрний үр дагаврууд нь одоо яригдаад явж байна. Өөр нэгэн нэртэй, гадаад хүний ч юм уу нэртэй мэдээлэл дамжуулдаг уулзалтууд, тэр нь Монгол Улсын бодлого боловсруулах шийдвэр гаргах түвшинд нөлөөлөх ч гэдэг юм уу байгалийн баялагтай холбоотой асуудал дээр шийдвэр гаргалтад нөлөөлөх ч гэдэг юм уу ийм зүйл явагдаж байж болзошгүй. Тэгэхлээр гадаад бодлогын нэг цонх гэж үздэг шиг нөгөө талдаа үндэсний сөрөн тэсвэрлэх чадавх гээд бид нар яриад байгаа. ЗГ-ын гишүүд УИХ-ын гишүүд, бодлого боловсруулах, шийдвэр гаргах түвшний хүмүүс гадаад улсын хувь хүн, байгууллага ААН-тэй уулзахдаа тодорхой протоколтой стандарттай байх ёстой. Өнгөрсөн жил Германы ЭСЯ дээр очоод мэдээлэл авч байхад манайхан очоод л юмыг дандаа шинээр ярьдаг. Нэг байгууллагатай уулзахдаа бүхнийг эхнээс нь явдаг. Ямар ч төрийн ой санамж, өнгөрсөн хугацаанд хэн уулзаад яасан талаар мэдээлэл байхгүй. Ялангуяа Монгол Улсын УАБЗ-д байгаа гишүүд гаднынхантай уулзсан тохиолдолд нэг бүрчлэн протокол нь тэмдэглэгдэж байх ёстой. Б.Баярбаатар дарга мэдэж байгаа. Бид Япон явахдаа 48 хуудас протокол уулзсан, тэмдэглэлээ бичиж авчраад Гадаад хэргийн сайдад хүлээлгэж өгч байсан. Яг үүн шиг үүнийг стандарт болгомоор байна.
Хоёрт, цахим шуудангийн харилцаа холбооны асуудал. Жишээлбэл, АНУ-ын Ерөнхийлөгч нэр дэвшиж байсан Хиллари Родман Клинтон албан бус хувийн хаягаасаа албаны ажлын мэйл бичсэн гээд шуугианд орж байсан. Манайд ийм стандарт байхгүй. Бид шинэчлэлийн асуудлаа нэг мөр болгоод, уулзалтын стандартаа тодорхой болгоод, ямар нэгэн байдлаар дарга нар, гаднын ч бай, дотнын ч бай хүмүүсийг ажлын бус цагаар уулзаж байгаа бол ялангуяа шүүх эрх мэдлийн хүмүүстэй уулзаж байгаа болбол ямар журмаар яаж уулзах юм. Энэ бүх зүйлийг нэг мөр болгохын тулд ХЗБХ-н дээр тодорхой санаачилга гаргаад, Монгол улсын төрийн албан хаагчдыг, өндөр албан тушаалын шийдвэр гаргахад нөлөөлж байгаа улс төрчдийн гадаад, дотоод харилцааны стандартуудыг нэг цонхтой нь уялдуулж өгөх зайлшгүй шаардлагатай.