Үйл явдал1 мин унших
Орон нутгийн мод үржүүлгийн хувийн хэвшлийн ААН-үүд гурван жилд 1 сая модыг суулган арчлан ургуулна

Одоохон...
Үйл явдал1 мин унших

Ерөнхийлөгчийн санаачилсан НЭГ ТЭРБУМ мод тарьж ургуулах хөдөлгөөний хүрээнд БАНКНЫ САЛБАР 50 сая мод тарихаар амлалт авсан билээ.
Үүнээс 1,000,000 модыг Дорнод аймгийн Баян-Уул, Хэнтий аймгийн Батширээт сумдад тарьж ургуулахаар тухайн сумдын засаг захиргаа, хариуцан тарьж ургуулах орон нутгийн аж ахуйн нэгжүүд, аймгийн холбогдох удирдлагууд ТЭРБУМ МОД сангийн Гүйцэтгэх захирал Б.Баярмаатай санхүүжилтийн гэрээнд гарын үсэг зурлаа.

Тус гэрээний хүрээнд гэрээ байгуулсан орон нутгийн мод үржүүлгийн хувийн хэвшлийн аж ахуйнууд 3 жилийн хугацаанд 1 сая ширхэг модыг суулган арчлан ургуулна.
ТЭРБУМ МОД сан нь эхний ээлжинд мод суулгах ажлыг эхлүүлэх гэрээний дүнгийн 30 хувийг санхүүжүүлнэ. Цаашид жил бүр хавар, намартаа 2 удаа ургалтын явцын хяналт хийсний үр дүнд үлдэгдэл санхүүжилтийг аж ахуйнуудад олгох юм.
ТЭРБУМ МОД сангийн Тэргүүн Б.Лхагвасүрэн болон Гүйцэтгэх Захирал Б.Баярмаа нарт баярлалаа. Баян-Уул болон Батширээт сумдынхаа удирдлага, мод арчлан ургуулах амаргүй ажлыг гардан гүйцэтгэх орон нутгийн аж ахуйн нэгжүүддээ амжилт хүсье! Энэ төсөл амжилттай хэрэгжсэнээр Банкны салбар энэ онд 8 сая модтой болох юм байна.