Онцлох мэдээ2 мин унших
Худалдаа, эдийн засаг, шинжлэх ухаан, техникийн хамтын ажиллагааны Монгол, Чехийн Засгийн газар хоорондын комиссын хурал боллоо

Эх сурвалж:
Гэр бүл, хөдөлмөр, нийгмийн хамгааллын яамОдоохон...
Онцлох мэдээ2 мин унших

Эх сурвалж:
Гэр бүл, хөдөлмөр, нийгмийн хамгааллын яамХудалдаа, эдийн засаг, шинжлэх ухаан, техникийн хамтын ажиллагааны Монгол, Чехийн Засгийн газар хоорондын комиссын IX хуралдаан 2026 оны 5 дугаар сарын 13-14-ний өдрүүдэд Бүгд Найрамдах Чех Улсын Прага хотноо амжилттай зохион байгуулагдлаа.

Хуралдааныг Монгол Улсын талаас миний бие, Чех улсын талаас Бүгд Найрамдах Чех Улсын Үйлдвэр, худалдааны дэд сайд Ян Сехтер тэргүүлэв.
Талууд Монгол, Чехийн уламжлалт найрсаг харилцаа нь ардчилал, хүний эрх, хууль дээдлэх ёс зэрэг нийтлэг үнэт зүйлд тулгуурлан тогтвортой хөгжиж, хоёр улсын хамтын ажиллагаа эдүгээ Иж бүрэн түншлэлийн түвшинд хүрснийг онцлон тэмдэглэлээ.
Хуралдааны үеэр худалдаа, хөрөнгө оруулалт, эдийн засгийн хамтын ажиллагааг өргөжүүлэх, эрчим хүч, уул уурхай, дэд бүтэц, байгаль орчин, боловсрол, соёл, хөдөлмөр эрхлэлт, нийгмийн хамгааллын салбарын хамтын ажиллагааг гүнзгийрүүлэх асуудлаар дэлгэрэнгүй санал солилцов.

Мөн олон улсын авто тээврийн харилцааны тухай хэлэлцээр байгуулах, геологийн судалгаа, хайгуул, уул уурхайн салбарын хамтын ажиллагааны баримт бичгийн хэрэгжилтийг эрчимжүүлэх, иргэний нисэхийн салбар, тэр дундаа орон нутгийн нисэх буудлуудын шинэчлэлийн чиглэлээр хамтран ажиллах асуудлыг хэлэлцлээ.
Түүнчлэн тахийг эх нутагт нь сэргээн нутагшуулах төсөл, “Илгээлт-2100” тэтгэлэгт хөтөлбөр, хоёр улсад хөдөлмөр эрхэлж буй иргэдийн нийгмийн хамгааллын асуудлаарх хамтын ажиллагааг өргөжүүлэх зэрэг өргөн хүрээний асуудлаар санал солилцов.
Хуралдааны төгсгөлд Монгол, Чехийн Засгийн газар хоорондын комиссын IX хуралдааны протоколд Бүгд Найрамдах Чех Улсын Үйлдвэр, худалдааны дэд сайд Ян Сехтерийн хамт гарын үсэг зурлаа.
Айлчлалын хүрээнд Бүгд Найрамдах Чех Улсын Тэргүүн шадар сайд бөгөөд Үйлдвэр, худалдааны сайд Карел Хавличек, Хөдөлмөр, нийгмийн хэргийн сайд Алеш Юхелка нартай тус тус албан ёсны уулзалт хийж, хоёр улсын хамтын ажиллагааны цаашдын чиглэл, тулгамдаж буй зарим асуудлыг шийдвэрлэх талаар хэлэлцэв.

Мөн “Futaba Czech” үйлдвэрийн үйл ажиллагаатай танилцаж, тус үйлдвэрт ажиллаж буй монгол иргэдийн төлөөлөлтэй уулзан, хөдөлмөр эрхлэлт болон нийгмийн хамгааллын асуудлаар ярилцлаа.