Үйл явдал2 мин унших
Төвийн бүсийн хөдөө аж ахуйн үйлдвэрлэл эрхлэгчдийн уулзалт Дарханд болж байна

Сэтгүүлч Б.Цэцэгсүрэн
Одоохон...
Үйл явдал2 мин унших

Сэтгүүлч Б.Цэцэгсүрэн
Төвийн бүсийн хөдөө аж ахуйн үйлдвэрлэл эрхлэгчдийн уулзалт өнөөдөр /2026.05.25/ Дархан хотноо амжилттай зохион байгуулагдаж байна.
Энэ удаагийн ХАА-н үйлдвэрлэл эрхлэгчдийн уулзалтад оролцож, өнгөрсөн хоёр жилийн хугацаанд тойрог болон салбарын хэмжээнд хэрэгжүүлсэн бодлого, хөрөнгө оруулалт, бүтээн байгуулалтын ажлуудаа танилцууллаа.
Түүнчлэн хөдөө аж ахуйн салбарын тогтвортой хөгжлийг дэмжих, мал аж ахуй, газар тариалангийн үйлдвэрлэлийн үр ашиг, экспортын чадавхыг нэмэгдүүлэх чиглэлээр хэрэгжүүлж буй төр, засгийн бодлого, төсөл хөтөлбөрүүдийг цаашид дэмжиж ажиллах талаар байр сууриа илэрхийллээ.

Сүүлийн жилүүдэд дэлхий нийтийн уур амьсгалын өөрчлөлт, олон улсын геополитик, эдийн засгийн нөхцөл байдлаас шалтгаалсан нийлүүлэлтийн хүндрэл зэрэг сорилтуудыг бид хамтдаа туулж байна. Тиймээс хөдөө аж ахуйн салбарт бодит нөлөөлөл үзүүлж байгаа энэ үед үйлдвэрлэл эрхлэгчдээ бодлогоор дэмжих, техник технологийн шинэчлэлийг эрчимжүүлэх, нэмүү өртөг шингэсэн бүтээгдэхүүний үйлдвэрлэлийг нэмэгдүүлэх нь нэн чухал юм.
Иймд Засгийн газраас хэрэгжүүлж буй газар тариалан, мал аж ахуйн үйлдвэрлэлийг дэмжих хөнгөлөлттэй санхүүжилт, хүнсний хангамж, аюулгүй байдлыг бэхжүүлэх үндэсний хөдөлгөөн, агро үйлдвэрлэлийн кластер хөгжүүлэх хөтөлбөрүүд, жижиг, дунд үйлдвэрлэгчдийг дэмжих бодлогын арга хэмжээнүүдийг үргэлжлүүлэн хэрэгжүүлэх шаардлагатай байна.

Төвийн бүсийг эрчимжсэн мал аж ахуй, газар тариалан, боловсруулах үйлдвэрлэлийн уялдаа холбоог хангасан хөдөө аж ахуйн тэргүүлэх бүс болгон хөгжүүлэхэд төр, хувийн хэвшил, үйлдвэрлэгчдийн хамтын ажиллагаа чухал гэдгийг хаа хаанаа ойлгох хэрэгтэй.
Хөдөө аж ахуйн салбар бол хүнсний аюулгүй байдал, эдийн засгийн тогтвортой өсөлтийн суурь салбар мөн. Иймээс үйлдвэрлэгчдийнхээ дуу хоолойг бодлого шийдвэрт тусгаж, төрийн дэмжлэгийг үр дүнтэй, хүртээмжтэй байлгахын төлөө та бүхэнтэйгээ хамтран ажиллахэд үргэлж нээлттэй байх болно.
