Байр суурь2 мин унших
О.Саранчулуун: Хичээлээс гадуурх сургалтын процесст хүртээмжийг хангах нөөц бололцоо нь ямар түвшинд байх вэ?
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.05.28/-ны өдрийн нэгдсэн хуралдаанаар Хүүхдийн хөгжлийг дэмжих тухай хуулийн төсөл болон хамт өргөн мэдүүлсэн хуулийн төслийг хэлэлцлээ.
Хэлэлцэж буй асуудлаар УИХ-ын гишүүн О.Саранчулуун асуулт асууж, байр суурийг илэрхийллээ.
Хөгжлийг дэмжих тухай анхдагч хууль дээр 9 чиглэлийг тусгасан байна. Шинжлэх ухаан, гадаад хэл, спорт хөтөлбөрт суурилсан хувь хүний хөгжил, сэтгэл зүйн боловсрол, санхүүгийн боловсрол, нийгмийн оролцоо, хүрээлэн байгаа орчин, соёл урлаг гээд заачихсан байгаа. 9 чиглэлийн дараалал дээр ямар судалгаа, эрэлт хэрэгцээн дээр тулгуурлаж оруулсан бэ?
5.1.5 болон 5.1.7 дээр тусгасан нийгмийн оролцоо гэдэг хэсэг дээр ямар үйл ажиллагааг төлөвлөж байна вэ? Одоо хэрэгжиж байгаа үйл ажиллагааг илүү хөгжүүлье гэвэл хэрхэх вэ? Өнөөдөр нийгмийн оролцоо, сэтгэл зүйн боловсрол 2 ямар үйлчилгээ хэрэгждэг вэ?
Хуулийн төслийн 15 дугаар зүйлд хөгжлийн ажиллагааг зохион байгуулагчийн үүргийг ерөнхий биччихсэн юм болов уу. Хичээлээс гадуурх үйл ажиллагааны чиглэлээр мэргэшсэн байхаар л тусгасан байгаа. Тэгэхээр яг ямар мэргэшил, яаж хүргэх процесс нь бүдэг байна. Ямар төлөвлөлт байгаа вэ?
Мэргэжлийн хүмүүс ирсэн байгаа тул нэг зүйлийг асууя. Уг хуулийн төслийг болгох талаас нь харвал ямар нөөц, боломж байгаа вэ гээд харах нь зүйтэй. Насан туршийн сургалтын төвүүд ямар төсөвтэй байдаг, ямар үйл ажиллагаа явуулдаг, эдгээрийн зорилтот хүмүүс дотор 0-18 насны хүүхдүүд хэр их үйлчлүүлдэг вэ? Ийм тоо судалгаа, мэдээлэл бий юу? Дотор нь хүүхэд хөгжлийн агуулгатай зүйл байгаа эсэхийг асуумаар байгаа юм. Хүртээмжийн баахан шаардлага тавилаа гэж бодъё л доо. Дижитал хүртээмж, мэдээллийн хүртээмж, биет орчны хүртээмж гээд тусгаад тавилаа гэхэд энэ хичээлээс гадуурх үйл ажиллагаа явуулдаг сургалтын төв, дугуйлан, секцүүдийн хэдэн хувь нь хүртээмжийг хангах нөөц бололцоотой байгаа вэ?
Түүний асуултад хуульч санаачлагч, УИХ-ын гишүүн М.Бадамсүрэн болон Ажлын хэсгийн төлөөлөл хариуллаа.