Үйл явдал2 мин унших
Монгол-Австралийн харилцааг шинэ шатанд гаргах онцгой айлчлал

Сэтгүүлч Б.Хонгорсайхан
Одоохон...
Үйл явдал2 мин унших

Сэтгүүлч Б.Хонгорсайхан
Монгол Улсын Их Хурлын даргын урилгаар Австралийн холбооны Улсын Парламентын Төлөөлөгчдийн танхимын дарга Милтон Дик тэргүүтэй төлөөлөгчид манай улсад албан ёсны айлчлал хийж байна.
Ирэх онд Монгол Австралийн хооронд дипломат харилцаа тогтоосон түүхт 55 жилийн ой тохионо.
Ноён Милтон Дик ардчиллын өлгий нутагт айлчилж байгаадаа сэтгэл хангалуун байгаагаа илэрхийлж байлаа.
Сүүлийн жилүүдэд Монгол Австралийн хооронд улс төр, эдийн засаг, иргэд хоорондын харилцаа тун эрчимтэй өрнөж буй.
Манай олон иргэд тус улсад боловсрол эзэмшиж өдгөө Австралид 28 мянга гаруй монгол иргэн оршин сууж буй.
Тиймээс хэлэлцээрийн үеэр хэд хэдэн асуудлыг хөндөж санал солилцлоо.
Тухайлбал:
- Австралид зорчих монгол иргэдийн визийг хөнгөвчилж, Сидней хотод консулын үйлчилгээ нээх
- Зам Тээврийн Хөгжлийн сайд байхдаа үндсийг нь тавьж эхлүүлсэн хоёр орны Агаарын тээврийн хэлэлцээрийг ойрын үед байгуулж Монгол Австралийн хооронд шууд нислэгтэй болох
- Парламентын түвшинд улс төрийн итгэлцлийг улам бэхжүүлж иргэддээ ил тод, ээлтэй, НЭЭЛТТЭЙ ПАРЛАМЕНТ-ыг төлөвшүүлэхэд тус улсын сайн туршлагыг нутагшуулах
- Австралийн парламентын баталсан Нийгмийн сүлжээнд хүүхдийн эрхийг хамгаалах, Залилангаас урьдчилан сэргийлэх хуулиудаас туршлага судлах
- Оюутолгойн гэрээ байгуулагдсанаас хойш 17 жилийн дараа анх удаа Монгол Улс ногдол ашиг хүртэх болсон сайн үр дүнг цаашид тогтвортой хадгалах
- Монгол Австралийн хооронд Эрх зүйн харилцан туслалцаа үзүүлэх гэрээг ойрын үед байгуулах талаар санал солилцлоо.
- Мөн саяхан иргэн С.Шаарийбуу гуайтай уулзахад түүний тавьсан хүсэлтийг нь уламжилж охиных нь амь насыг хөнөөхөд оролцсон нэг этгээд нь Австрали улсад орогнож буй асуудлыг шийдвэрлэж гэмт этгээдийг Малайзын талд шилжүүлэн хуулийн цээрлэл хүлээлгэхэд Австралийн талаас дэмжлэг үзүүлэхийг хүслээ.
Ноён Милтон Дик энэ асуудлыг шийдвэрлэхэд анхаарч хууль сахиулах байгууллагуудаас авч буй арга хэмжээний талаарх мэдээллийг тухай бүр хүргүүлж ажиллахаа илэрхийлсэнд талархаж байна.
- Түүнчлэн Монгол Австралийн хооронд Австралийн Засгийн газрын тэтгэлгээр тус улсад боловсрол эзэмшсэн манай улсын иргэд хоёр улсын харилцааг хөгжүүлэх нэгэн чухал гүүр болж байгаа дээр санал нэгдэж, боловсрол шинжлэх ухааны хамтын ажиллагааг улам өргөжүүлэх чиглэлээр хамтран ажиллахаар тогтлоо.
Австралийн парламентын хүндэт зочид Та бүхнийг Монгол эх оронд минь тавтай морилохыг хүсье