#Шилэн хууль2 мин унших
3 хүртэлх насны хүүхдээ гэртээ харж буй эх, 0-18 насны 3 болон түүнээс дээш хүүхэдтэй өрх толгойлсон эцэг, эхэд тэтгэмж олгоно

Сэтгүүлч Munkhtuya_vip
Одоохон...
#Шилэн хууль2 мин унших

Сэтгүүлч Munkhtuya_vip
Засгийн газрын үйл ажиллагааны хөтөлбөрт, гурав хүртэлх насны хүүхэдтэй ээжүүдийн нийгмийн баталгааг сайжруулах “Цалинтай ээж” хөтөлбөр, “Өрх толгойлсон эх/эцэг-ийн нийгмийн хамгааллын тухай” хуулийг тус тус батлан хэрэгжүүлнэ гэж заасан.
Одоогийн байдлаар Монгол Улсад 531,1 мянган хүүхэдтэй өрх бий гэж Хөдөлмөр, халамжийн үйлчилгээний ерөнхий газрын судалгаанд дурджээ.
Олон хүүхэдтэй тэр дундаа өрх толгойлсон эцэг эхэд хөдөлмөр эрхлэх боломж хязгаарлагдмал, орлого багатай байдгаас хүүхдээ эрүүл өсгөн бойжуулах боломж хомс, эрүүл мэндийн тусламж, үйлчилгээнд хамруулах байдал ч учир дутагдалтай.
Энэ бүхнийг харгалзан үзэж Монгол Улсын Засгийн газар Эх, олон хүүхэдтэй өрх толгойлсон эцэг, эхэд тэтгэмж олгох тухай хуулийн төслийг санаачлан, УИХ-д өргөн мэдүүлээд байна.
Эхний гурван нөхцөлд тэтгэмж авах эх нас барсан, эсвэл тэжээн тэтгэхээс зайлсхийсэн тохиолдолд тэтгэмжийг хүүхдийн эцэг, эсвэл хууль ёсны асран хамгаалагч, харгалзан дэмжигч, үрчлэн авсан эх/эцэг-т олгоно гэж хууль санаачлагч үзжээ.
Хэрэв 0-3 насны хүүхэдтэй ч эцэг, асран хамгаалагч хөдөлмөр эрхэлдэг байсан ч энэ нь уг тэтгэмжийг олгохгүй гэсэн үг биш юм. Харин жирэмсэн эхэд тэтгэмжээ барьцаалан зээл авахыг хоригложээ. Тэтгэмж авах эрхтэй бусад этгээд тэтгэмжээ барьцаалан зээл авч болох, болохгүйг хуулийн төсөлд заагаагүй байна.
Тэтгэмжийн хэмжээг Засгийн газар батлах бөгөөд тухайн үеийн хөдөлмөрийн хөлсний доод хэмжээтэй тэнцүү байна гэж төсөлд тусгасан байна.
Энэ хуулийн төслийг хэрэгжүүлэхэд 72,4 тэрбум төгрөг шаардлагатай бөгөөд хуулийн төсөл батлагдвал ирэх оны эхнээс хэрэгжих боломжтой юм.