#Ажлын хэсэг3 мин унших
Өрсөлдөгчид: Нэг намын хоёр өнгө

Сэтгүүлч Munkhtuya_vip
Одоохон...
#Ажлын хэсэг3 мин унших

Сэтгүүлч Munkhtuya_vip
Үндсэн мэргэжил хоёул инженер ч чиглэл нь өөр. Ажил, амьдралынхаа явцад нэг нь эдийн засаг сонирхсон бол нөгөө нь хууль эрх зүйг чухалчилсан байдаг. Д.Баттулга, Ш.Түвдэндорж нарын хэн хэн нь төрийн өндөр албан тушаал ч хашиж явсан, намдаа ч тэр. Гэхдээ харьцуулбал Ш.Түвдэндорж илүү.
Ингээд харьцуулж харахад Д.Баттулга нь насаар ахмад ч Ш.Түвдэндорж төрд болон намдаа хашсан албан тушаалаар арай илүү буюу намтар арвинтай байна.
Гэхдээ өмнөх түүх, одоогийн нөхцөл байдал, намдаа хэр хүндтэй байгаа эсэхээс сонголт шууд хамаарна. Магадгүй Ш.Түвдэндорж нэгэнтээ намын даргаар ажиллаж байсан болохоор энэ удаад Д.Баттулгаар удирдуулах хүсэлтэй нийслэлийн Ардчилсан намынхан ч байж болно.
Д.Баттулга
Нас: 56 /1961 оны 5 дугаар сарын 18/
Мэргэжил: Эрчим хүчний инженер, эдийн засагч
Шинж байдал: Хөдөлмөрч, идэвхтэй, ухаалаг, найз нөхөд тойрон хүрээлэгчид нь хүндэтгэдэг. Бусадтай дайсагналцдаггүй. Үг дуу цөөтэй, тайван.
Улс төрийн туршлага: 27 жил
Төрийн өндөр албан тушаал хашсан байдал:
Улсын бага хурлын гишүүн
Монголын Ардчилсан холбооны ерөнхийлөгч
УИХ-ын гишүүн, Төрийн байгуулалтын байнгын хорооны дарга
Ерөнхийлөгчийн тамгын газрын дарга
НИТХ-ын дарга
Намдаа хашсан албан тушаал:
Ардчилсан намын үндэсний зөвлөлдөх хорооны гишүүн
Нийслэлийн Сүхбаатар дүүргийн АН-ын дарга
Ш.Түвдэндорж
Нас: 50 /1967 оны 12 дугаар сарын 1/
Мэргэжил: Радио холбооны инженер, хуульч, улс төр судлаач
Шинж байдал: Түүнд тусалсан хүнийг үнэн сэтгэлээсээ хүндэлдэг. Тавьсан зорилгодоо ямар нэгэн байдлаар хүрдэг. Зорилгодоо хүрч чадахгүй бол муухай ааш гаргаж, бусдыг өөрөөсөө түлхдэг.
Улс төрийн туршлага: 27 жил
Төрийн өндөр албан тушаал хашсан байдал:
Батлан хамгаалахын сайд
Монголын Ардчилсан холбооны гүйцэтгэх захирал
Засгийн газрын хэрэг эрхлэх газрын дэд дарга
УИХ-ын гишүүн, Хууль зүйн байнгын хорооны дарга
Үйлдвэр, хөдөө аж ахуйн сайд
УИХ дахь АН-ын бүлгийн дэд дарга
Намдаа хашсан албан тушаал:
Ардчилсан намын Гүйцэтгэх зөвлөлийн гишүүн
Үндэсний зөвлөлдөх хорооны гишүүн
Чингэлтэй дүүргийн АН-ын дарга
Ардчилсан намын Ерөнхий нарийн бичгийн дарга
Нийслэлийн Ардчилсан намын дарга