Аймаг, нийслэл, сум, дүүргийн иргэдийн Төлөөлөгчдийн Хурлын 2026 оны нөхөн сонгууль зургаадугаар сарын 21-ний өдөр болно.

Сонгуулийн ерөнхий хорооны 02 дугаар тогтоолоор баталсан “Аймаг, нийслэл, сум, дүүргийн иргэдийн Төлөөлөгчдийн Хурлын 2026 оны нөхөн сонгуулийн үйл ажиллагааг зохион байгуулах цаг хугацааны хуваарь”-т зааснаар орон нутгийн иргэдийн Төлөөлөгчдийн Хурлын нөхөн сонгуулийг тухайн шатны Хурал 2026 оны 3 дугаар сарын 16-ны өдрөөс өмнө товлон зарласан.

Өвөрхангай аймгийн Ардчилсан намын дарга, УИХ-ын гишүүн П.Батчимэг намын нөхдөө дэмжин мэндчилгээ дэвшүүлснийг уламжилж байна.

"Зуны дунд сарын шинийн 1-ний билэгт сайхан өдрийн мэнд хүргэе.

Нутагт маань хур бороотой сайхан зун болж байна.

Дэлгэр зуны өдрүүдэд орон нутгийн өөрөө удирдах ёсны байгууллагын нөхөн сонгуульд Ардчилсан намаас нэр дэвшин өрсөлдөж буй нутгийн залуустаа амжилт, ялалтын уухай хүсье.

Ардчиллын залуус эх нутгаа хөгжүүлж, нутагтаа эзэн байх, төрийн авилгал, хээл хахууль, төсвийн хулгайг зогсоох, иргэддээ ээлтэй, шударга нийгмийн төлөө хамтдаа зүтгэцгээх цаг үе ирлээ" гэв.

Багийн хөгжлөөс сум, аймгийн хөгжил эхэлнэ.
Та бүхэндээ дахин баяр хүргэе.

Ардчилсан намаас нэр дэвшин өрсөлдөж буй нутгийн залуустаа амжилт, ялалт хүсье!