Байр суурь2 мин унших
Я.Содбаатар: Дэд сайдын албан тушаалыг бүлгийн хурлаар ярихгүй, нам дээр хэлэлцэнэ

Сэтгүүлч Tsolmon
Одоохон...
Байр суурь2 мин унших

Сэтгүүлч Tsolmon
УИХ дахь МАН-ын бүлэг өнөөдөр /2017.10.23/ хуралдаж, 2017 оны төсвийн тодотгол, Завхан аймгийн Отгон сумын нутаг дахь Отгонтэнгэр ууланд сураггүй болсон иргэдийн талаар албаныхнаас мэдээлэл сонссон байна.
Эхний мэдээллээр албаныхан уулнаас гурван хүний цогцос олдсон гэсэн мэдээллийг бүлгийн гишүүдэд өгчээ.
Мөн хуралдаанаар зарим байнгын хороодын дарга нар болон байнгын хорооны бүрэлдэхүүнийг өөрчлөх асуудлыг хэлэлцсэн байна. Гэхдээ эцсийн шийдвэр гаргаагүй тул дахин хэлэлцэх шийдвэрт хүрчээ.
Бүлгийн гишүүд 2017 оны төсвийн тодотголыг яаралтай батлуулж, 2018 оны төсвийн төсөөлөл зэрэг чухал төслүүдийг яаралтай хэлэлцэх ёстой гэдэгт санал нэгдсэн байна.
Дээрх мэдээллийн дараа МАН-ын бүлгийн дэд дарга Я.Содбаатар сэтгүүлчдийн асуултад хариулт өглөө.
-Төсвийн тухай хуулиар 2018 оны төсвийг арваннэгдүгээр сарын 15-ны дотор батлах ёстой. Төвийн хуулийн дагуу өргөн барьж, хэлэлцэн батална. Төсвийн тодотголыг хэлэлцэх эсэхийг энэ долоо хоногт хэлэлцэж шийдвэрлэнэ. Төсвийн байнгын хороо болон бусад байнгын хороодоос ирсэн саналыг хэлэлцэх болно.
-Бүлэг дээр гурван цогцос олдлоо гэдэг мэдээлэл ирсэн. Цаг тутам мэдээлэл өгнө гэсэн. Одоогоор шинэ мэдээлэл ирээгүй байна.
-Одоогоор 2018 оны төсөв өргөн баригдаагүй учраас тодорхой мэдээлэл өгөх боломжгүй байна. Гэхдээ цалин нэмэх асуудлаар ОУВС-гийн хөтөлбөр эргэн харах, шинээр томилогдсон сайд нар энэ асуудалд анхаарлаа хандуулж байгаа байх.