Х.Нямбаатар: Зээлийн хэлэлцээрүүдийг батлахаас өмнө эдийн засгийн үр өгөөжийн талаар мэдээлэл өгдөг баймаар байна

Улсын Их Хурлын чуулганы өнөөдрийн /2019.10.10/ үдээс хойших нэгдсэн хуралдаанаар Монгол Улсын Засгийн газар Бүгд Найрамдах Польш Улсын Засгийн газар хоорондын нөхцөлт зээлийн ерөнхий хэлэлцээрт нэмэлт, өөрчлөлт оруулах тухай хавсралтыг соёрхон батлах тухай хуулийн төслийг соёрхон батлах тухай асуудлыг хэлэлцэв.

Энэ үеэр УИХ-ын гишүүн Х.Нямбаатар

Хямд эх үүсвэртэй зээлийг авч эдийн засагт үр нөлөөлийг бий болгох нэг талаас зөв байх хоёрт манайд энэ зээлүүд үр өгөөжтэй байгааг ямар байгууллага дүгнэлт гаргаж түүнийг нь үндэслэн бид дахин зээл авч байгаа вэ гэдгийг хянах цаг болсон. Нэг үеэ бодоход манай улсын төсвийн алдагдал харьцангуй сайжирсан. Тиймээс цаашид зээлийн хэлэлцээрүүдийг батлахаас өмнөэдийн засаг дахь үр өгөөжийн талаар  бодит мэдээлэл өгдөг хэлбэр лүү шилжиж болох уу?

Одоо Монгол улсын төсөв 12 их наяд орчимд батлагдах байх бид сүүлийн 3 жил сургууль цэцэрлэг нийгэм соёлын барилга байгууламж барьж байгуулах ажил эрчимтэй явагдсан. Энэ бол жижиг тойргоос сонгогдсон хүмүүсийн өөрсдийн тойрогтоо амласан амлалтыг биелүүлэх шаардлагаас шалтгаалсан байх. Энэ нь эргээд зээлүүдийн эргэн төлөлттэй хэрхэн яаж уялдах вэ гэдэг дээр Сангийн яам гишүүдэд мэдээлэл өгч ажиллаарай.