Зүүн бүсийн аймгуудын зарим сум, суурин газарт төрийн албан хаагчдад зориулсан орон сууцны төсөл хэрэгжинэ

Улсын төсвийн хөрөнгөөр энэ 2025 оноос эхлэн улсын хэмжээнд 60 гаруй сум, сууринд төрийн албан хаагчдад зориулсан орон сууц баригдаж эхлэх юм. 

Энэ талаар УИХ-ын гишүүн М.Бадамсүрэн хэлэхдээ “Миний бие Дорнод аймгийн Засаг даргаар ажиллаж байхдаа аймгийнхаа нийт 14 сумдад төрийн албан хаагчдад зориулсан “Нутгийн ирээдүй” хоёр давхар тохилог орон сууц барих төслийг эхлүүлсэн. Одоо энэхүү төсөл амжилттай хэрэгжиж байна. сум, сууринд төрийн албан хаагчдад зориулсан орон сууц баригдаж эхэлнэ.

Энэхүү төсөл хэрэгжсэнээр сумдад хувийн хэвшлийн хөрөнгө оруулалтаар иргэдэд зориулсан тохилог орон сууцнууд баригдах эхлэл болох давуу талтай.

Манай Зүүн бүсийн хувьд 2025 оноос эхлэн

1. Хэнтий аймгийн Биндэр, Хэрлэн
2. Дорнод аймгийн Чойбалсан, Чулуунхороот, Халхгол сумын Ялалт баг
3. Сүхбаатар аймгийн Баяндэлгэр, Баруун-Урт, Мөнххаан, Наран, Онгон

сумдад энэхүү орон сууцны төсөл хэрэгжихээр боллоо” хэмээн мэдээлэв.