Байр суурь2 мин унших
Н.Алтаншагай: 2020 онд өргөдөл өгсөн ахмадуудын очер өнөөдөр 2800, 3100 дээр явж байна л гэнэ, үүнийг бодитоор шийдэж өгөх шаардлагатай байна!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.07.03/-ны өдрийн нэгдсэн хуралдаанаар Орон сууцжуулалтын тухай хуулийн төсөл болон хамт өргөн мэдүүлсэн хуулийн төслүүдийг хэлэлцлээ.
Хэлэлцэж буй асуудлаар УИХ-ын гишүүн Н.Алтаншагай дараах асуудлыг тодруулж, байр сууриа илэрхийллээ.
Орон сууцжуулалтын тухай болон Орон сууц сууцын санхүүжилтийн төрөлжсөн банкны тухай 2 том хууль хоорондоо бодлогын хувьд хэр сайн уялдсан бэ? 1. Ахмадууд, залуучуудын зээлийн нөхцөлийг хэрхэн сайжруулахаар тусгасан бэ? Насны хязгаар их төвөгтэй байгаа. Ахмадууд маань байрны нөхцөл сайжрахыг хүлээгээд байдаг. Ид ажиллаж байгаа хүмүүс орлогодоо нийцсэн байранд орж байгаа. Орон сууцны хөтөлбөрүүд дүр дүнд хүрсэн нь төдийлөн харагдаагүй. 2020 онд өргөдөл өгөөд явж байсан ахмадууд 2026 онд шийдэгдээгүй, миний өргөдөл 2800, 3100 дээр байгаа, очер дараалал байна уу гээд л байж байна. Үүнийг бодитоор шийдэж чадаагүй гэж харж байгаа.
Орон нутагт хувийн хэвшлийг яаж дэмжих юм? Орон сууцжуулалтын төрөлжсөн санхүүгийн схем хийгдэх гэж байгаа. 21 аймаг, 9 дүүрэгт салбарууд байх эсэх, НОСК-той яаж уялдах юм. Арилжааны банкны хэлбэрээс нөхцөл нь өөр л гэж хараад байгаа. Үүний давуу болон сул талуудын тодорхой тайлбарлаач. Мөн гэр хорооллыг орон сууцжуулах хөтөлбөртэй яаж уялдуулах вэ?
Гэр хороолол руу дэд бүтэц татаж өргөтгөл хийхгүйгээр орон сууц тэлэх асуудал маш хүндрэлтэй. Улаанбаатарт энэ их төвлөрөл, түгжрэл үүсээд байгаа чинь дэд бүтцээ л дагасан асуудал шүү дээ. Цэвэр, бохир ус, дулаанаа дагаж хийгдсэн. Улаанбаатар хот тэлэлт Толгойт, Баянхошуу, Сэлбэ, Шар хад, Амгалан гээд 5 бүс рүү л чиглэсэн. Сэлбэ дэд төвийн үр өгөөж нь гарахаар байгаа. Гэр хорооллыг барилгажуулах дам нөлөөгөөрөө агаарын бохирдол, хөрсний бохирдол, утаа, түгжрэлийг сааруулах, бууруулах гэсэн том хөтөлбөртэй нэгдэнэ гэж харж байгаа. Үүнийг хуулийн төсөлд цогцоор нь харж чадсан уу?