Жижиг, дунд үйлдвэр, үйлчилгээг дэмжих тогтолцоог сайжруулах хэлэлцүүлэг боллоо

УИХ-ын даргын захирамжаар байгуулагдсан Жижиг, дунд үйлдвэр, үйлчилгээг дэмжих тухай хуулийн хэрэгжилттэй танилцаж, бичил үйлдвэр, үйлчилгээ эрхлэгчдийг дэмжих тогтолцоог оновчтой болгох чиглэлээр санал, дүгнэлт гаргах, холбогдох хуулийн төсөл боловсруулах үүрэг бүхий ажлын хэсгийн гишүүн Д.Батлут, Ж.Батжаргал нар Дархан-Уул аймагт ажиллаж байна.

Энэ хүрээнд ХХААХҮЯ, Жижиг дунд үйлдвэрийн газар хамтран Дархан-Уул аймагт хэлэлцүүлэг зохион байгууллаа. Тус хэлэлцүүлэгт ХХААХҮЯ-ны Төрийн нарийн бичгийн дарга Т.Жамбалцэрэн, УИХ-ын гишүүн Д.Батлут, Ж.Батжаргал нар оролцож, байр сууриа илэрхийллээ.

ХХААХҮЯ-ны Бодлого төлөвлөлтийн газрын шинжээч Э.Сугарбаяр салбарт хэрэгжүүлж буй бодлого, үр дүнгийн талаар мэдээлэл өгөв. Хэлэлцүүлэгт төр, төрийн бус, иргэдийн төлөөлөл оролцож байр сууриа илэрхийлсэн юм.

ХХААХҮ-ийн сайд Ж.Энхбаяр УИХ-ын гишүүдийг хүлээн авч, Хөдөө аж ахуйн бирж, Хөдөө аж ахуйн корпораци, Зээлийн батлан даалтын сан, Жижиг дунд үйлдвэрийн газартай танилцлаа.