Үйл явдал2 мин унших
Ноос ноолуур, арьс ширийг нэмүү өртөг шингэсэн бүтээгдэхүүн болгож, Беларусь улс, 180 сая хүн амтай Евразийн зах зээлд гаргахад анхаарна

Эх сурвалж:
Хүнс, хөдөө аж ахуйн, хөнгөн үйлдвэрийн яамОдоохон...
Үйл явдал2 мин унших

Эх сурвалж:
Хүнс, хөдөө аж ахуйн, хөнгөн үйлдвэрийн яамМинс хотоос: Беларусь улсын "Камволь" үйлдвэрт ажиллаж, ноос боловсруулах салбарын дэвшилтэт технологи, үйлдвэрлэлийн үйл ажиллагаатай танилцав. Мөн үеэр Надежда Лазаревичтай хамтын ажиллагааны талаар санал солилцлоо.

1955 онд байгуулагдсан энэ үйлдвэр нь жилд 4 сая гаруй метр ноосон болон хагас ноосон даавуу үйлдвэрлэх хүчин чадалтай бөгөөд түүхий ноосноос эхлээд эцсийн бүтээгдэхүүн үйлдвэрлэх хүртэлх бүрэн цикл бүхий үйлдвэрлэл эрхэлдгээрээ онцлог юм. Цэвэр ноосон болон хагас ноосон костюм, пальто, дүрэмт хувцасны даавуу үйлдвэрлэж байна.

Үйлдвэрийнхээ бүтээгдэхүүнээ ОХУ, Казахстан, Турк зэрэг 30 гаруй улсын зах зээлд нийлүүлдэг. Монгол Улс ноосны арвин нөөцтэй орны хувьд ийм төрлийн технологи, үйлдвэрлэлийн туршлагыг нутагшуулж, нэмүү өртөг шингэсэн бүтээгдэхүүний үйлдвэрлэлээ нэмэгдүүлэх өргөн боломж бий юм.
Малын гаралтай түүхий эдийн боловсруулах үйлдвэрлэлийг дэмжих “Цагаан алт” үндэсний хөдөлгөөний хүрээнд өнөөдрийн байдлаар Монгол Улс жилд 9 мянган тонн ноолуур, 35 мянган тонн ноос, 200 тонн сарлагийн хөөвөр, 1200 тонн тэмээний ноос үйлдвэрлэдэг.

Тиймээс худалдаа, гаалийн таатай орчин бүрэлдэж буйг харгалзан хоёр улсын эдийн засгийн чөлөөт бүсүүдийг түшиглэн Монгол Улсын самнасан ноос, ноолуур, боловсруулсан арьс ширийг Беларусийн технологийг ашиглан ОУ-ын стандартад нийцсэн нэмүү өртөг шингэсэн эцсийн бүтээгдэхүүн болгон Беларусь Улс төдийгүй 180 гаруй сая хүн амтай Евразийн эдийн засгийн холбооны зах зээлд нийлүүлэх чиглэлээр хамтран ажиллах хүсэлтэйгээ Монгол Беларусын ЗГХК-ын VIII хуралдааны үеэр илэрхийлээд байгаа юм.
Мөн Бүгд Найрамдах Беларусь Улсаас Монгол Улсад суугаа Элчин сайд М.С.Орда манай “Могол ноос” ХХК-д зочилсон бөгөөд Беларусийн компанитай хамтран монгол хонины ноос, ямааны ноолуурыг Беларусийн маалингатай холин утас болон бэлэн бүтээгдэхүүн гаргах боломжийг эрэлхийлж, Беларусийн “Оршанский льнокомбинат”-аас 100кг маалинга илгээсэн бөгөөд дээжийг хүлээн авмагц утас хийхээр төлөвлөж байна.
Цаашид ноос боловсруулах салбарын хамтын ажиллагааг өргөжүүлж, харилцан тэгш ашигтай төсөл хөтөлбөрүүдийг хэрэгжүүлэхэд анхаарч ажиллана.
