БНХАУ-ын ШУӨЗО-ны Ардын засгийн газрын дэд дарга дарга Жу Лифань болон бусад төлөөлөгчдийг Төрийн ордонд хүлээн авч уулзлаа

Монгол Улс болон БНХАУ-ын ШУӨЗО-ны Хилийн боомтын захиргаад хооронд хамтын ажиллагааны механизм тогтоож буйтай холбогдуулан БНХАУ-ын ШУӨЗО-ны Ардын засгийн газрын дэд дарга дарга Жу Лифань болон бусад төлөөлөгчдийг Төрийн ордонд хүлээн авч уулзлаа.

Энэхүү механизмыг байгуулснаар хамтын ажиллагааны дүрмээ тогтож байна гэсэн үг юм. Өөрөөр хэлбэл БНХАУ-ын ШУӨЗО-той хиллэж буй дөрвөн хилийн боомт дээр гарах цаг үеийн асуудлыг орон нутгийн түвшинд хэлэлцэж, шийдвэр гаргах болон боомтуудын төлөвлөлтийг харилцан уялдаатай хөгжүүлэх бололцоо үүсэж байна.

БНХАУ-ын ШУӨЗО-той 1400 км хилийн шугам, 4 хилийн боомтоор холбогдож байна. Тус улсын зүгээс эдгээр дөрвөн боомтын үйл ажиллагаанд маш их анхаарал хандуулж, эдийн засгийн хамтын ажиллагааг шинэ түвшинд гаргахыг зорьж байгаа тухай ШУӨЗО-ны Ардын засгийн газрын дэд дарга дарга Жу Лифань ярилаа.