СОЁМБО ЦОГЦОЛБОР ХҮРТЭЛХ ЯВГАН ХҮНИЙ ЗАМ, ДУГУЙН ГҮҮРЭН БАЙГУУЛАМЖ НАМАР АШИГЛАЛТАД ОРНО

Хөвсгөл аймгийн төв Мөрөнгөөс Соёмбо цогцолбор хүртэлх 3 км урттай явган хүний зам болон дугуйн замын гүүрэн байгууламж, гэрэлтүүлгийн ажил гүйцэтгэгч Актив энержи зоне ХХК-ийн захирал Б.Баатар , Нано дизель трейд ХХК-ийн захирал Б.Булгантамир нартай уулзлаа.

Соёмбо цогцолборыг зорин ирж чөлөөт цагаа өнгөрөөх дуртай болсон иргэд, хүүхэд залуус, аялагч жуулчдыг явганаар болон дугуйгаар зорчих аюулгүй, ая тухтай орчныг бүрдүүлэх, хөдөлгөөн дутлаас сэргийлэх зорилгоор унадаг дугуйн гүүрэн байгууламжийг байгуулж байгаа билээ.

Явган хүний зам, гүүрэн байгууламжийн угсралтын ажлын гүйцэтгэл 60 хувьтай явагдаж байгаа бол гэрэлтүүлгийн хувьд 35/04 кВт-ын 250 ква хүчин чадалтай дэд станцын угсралт, суурилуулалтын ажил хийгдэж дуусаж, гүүр хүртэлх кабель шугам татсан байна. Гүүрийн угсралт дуусмагц 56 ширхэг гэрэл суурилуулах бөгөөд ирэх намар байгууламжийг ашиглалтад оруулахаар төлөвлөсөн байна.