Шадар сайд Т.Доржханд УИХ-ын гишүүн Б.Найдалаан хамтаар өчигдөр /2025.09.06/ Бүгд Найрамдах Армени Улсын Ерөнхий сайд Никол Пашиняныг хүлээн авч уулзав.

Армени улс үндэстэн бүр МЭӨ-с яригдах эртний түүхтэй, монголчуудтай ч нэг биш зууны турш учран золгож зэрэгцэн түүхээ бичсэн ард түмэн. Энэ их түүхийн явцад дайн тулаан, хядлага хавчлага, зовлон жаргалыг туулж, ард нь гарсан юм үзэж нүд тайлсан хүндэлмээр үндэстэн.

Одоо 3 сая хүн амтай, нэг хүнд ногдох орлогоороо Монголтой бас ойролцоо, хуучин социалист системийн үлдэц асуудлууд, шинэ нээлттэй нийгэм байгуулах сорилт, геополитикийн амаргүй нөхцөлд том хүчнүүдийн дунд аргаа олох гэх мэт олон нийтлэг асуудалтай, эрх ашиг нэгтэй улс.

Ерөнхий сайд Н.Пашинян намаа ердөө 10 жилийн өмнө байгуулсан, Арменийн улс төрд хувьсгал хийсэн манлайлагч ажээ. Сонирхолтой нь, 2021 онд Армен улс сонгуулийн системээ 100% пропорциональ буюу намыг сонгодог, зөвхөн намын жагсаалтаар гишүүд нь сонгогддог болгон өөрчилсөн бна.

Ингэснээр мөнгөний хамаарал, сонгуулийн булхай хумигдан, хоосон улс төржилт попролт үгүй болж, улс төрчид олонд таалагдах биш асуудал шийдэх бодлогод түлхүү анхаардаг болж, саяхан үзсэн дайн, гадны түрэмгийлэл, гашуун зовлон улс төрд ийм шинэчлэл зайлшгүй хийх ёстойг нийгэмд ойлгуулсан ажээ.

Армен улс болон тэнд өрнөж буй өөрчлөлт шинэчлэл, ахиц дэвшлүүд асар сонирхолтой. Товчхон дурдахад ийм байна.Монгол Улс олон сайн найз, түнштэй байх ёстой, тэр дундаа түүхийн сэжмээр холбоотой, овор хэмжээ, асуудал, эрх ашгаараа нийтлэг Армен шиг улсуудтай.

Арменийн улс төрд хувьсгал хийсэн манлайлагч, Ерөнхий сайд Никол Пашинянтай уулзлаа